ديوان/ ميران الكــوح

[المدير]

للقراءة فقط

[الغريب]

امانة ياخفوقي لا تذكر سالف الايام=تحرك ساكن الجرح القديم اللي تناسيته
عليك الله تناساها الا مرت عليك آلام=وكنك ما عشقت اللي وسط جوفك بنا بيته
توهمت المحبة وكم سقاني من المحبة اوهام=وجرعت من الشقا كاسه وكل عرق الحشا ارويته
خفوقي يا خفوقي لا تحاول تزرع الاحلام=ينع شوك الفراق ولا تحقق ما تمنيته
قبل ستة عشر عام ٍ يمنّيك بثمار الشام=وبعد ستة عشر مرت ولابه تين لاقيته
تعبت ابحث عن اسباب المحبة دامنا هيام=متى نصحى من اوهام الغرام ومن عفاريته
الا كم واحد ٍ مثلي على صدره الفراق اوسام=وكم منهو كما حالي يبات بعله وليته
مراسي الغرام اضحت معالمها بقايا حطام=وآخر من نوارسها تنكر ماضي مبيته
هنا كان اللقا وقت المغيب ويااااه والله ايام=هنا مني تزيعل وابتعد وهناك راضيته
هنا آخر محطاتي وهنا قد جفت الاقلام=هنا ياخافقي الجرح القديم وليه صحيته

[الغريب]

السلام عليكم ورحمة الله..

هذه القصيدة لها حادثه ,وهي في احد الاذاعات اتصل واحد والقى قصيدة لشاعر معروف ويعرفه الجميع وهو راشد ابو دباس وقصيدته المعروفه
والتي يخاطب ابنه فيها.منها البيت.

يدباس انا يابوك ما نيب بلاس
ميـر ان عيــلات الرفاقــــه كثيره
دون ان يذكر اسم شاعرها وللامانة الشعريه وللمحافظة على التراث اتصلت قدمت الشكر له ووضحت حادثة
القصيدة واسم شاعرها...فاثار غضب ذلك المتصل, والظاهر كان يضن ان يحسبها الجميع له...
فاخذ يتهجم علي وعلى قبيلتي دون ان يعرفني ..وللتوضيح المتصل يدعي انه هاجري الا انهم منه براء, وذلك من خلال كلامه ... حيث وكما يعرف الجميع الهاجري بتسكين الجيم .. الا ان المتصل قال بكسر الجيم وبطريقة العجم وهنا
حضرت في بالي قصيدة مطلق النومسي

فاقول



يوم عدد مطلـق وجـاب المثايـل=نومس القيفـان واذهـب فاطـري
واستبـد الشعـر وامثالـه قلايـل=مثـل ابـو التمـام والا البحتـري
وطـوع عنـان القوافـي للطوايـل=طاعت الايعـاز طـوع العسكـري
مايميـل الا غصـن قافـي تمايـل=ما تمايـل غيـر غصـن ٍ مثمـري
ثم خذينا من شـذا افكـاره دلايـل=مـا نفكـر فـي كـلام المفتـري
فـرق مابيـن الحقايـق والتخايـل=كما فرق الهاجْري مـن الهاجِـري
مايميزهـا سـوى ولـد الحمايـل=ويتجاهـل مـن غبـاه البـربـري
لو درا الفنجال صارت لـه بدايـل=ويتقلـط فـي يميـن الهمـشـري
واستباحت حرمته وجيـه الثمايـل=كـان ردد مثـل قـول الشـمـري
دامها صارت على هذي الحصايـل=يابعـد حيـي الا بـعـد ظـهـري
ياصغيِر ابك انا مـن عيـال وايـل=وانت توك مابعـد عظمـك طـري
والله انـا طايليـن لكـل طـايـل=يـوم بعـضٍ ماعلـى حالـه دري
اشجعي (ن)من ضنا مسلم سلايـل=لابتن تلبس مـن الجـوخ الـزري
ماتوشحنا سـوى حمـر الصقايـل=مارمينـا الا الردينـي وسمهـري
ولانزلنا من علـى ظهـر الاصايـل=ليـن وحدهـا الامـام الخطْْيَـري
دام ابو متعب علـى روس النفايـل=مـا يطاولنـا بنـاء الدسـكـري
اشهدانـي لاذكـر طاريـه اخايـل=النـجـوم النايـفـات الـنـثّـري
والمح سهيـل اليمانـي والدلايـل=كلهـا اجـلالاً تقـف لـه حنْيَـري
اسـأل العقـال وعيـال القبـايـل=ياسحايب ويـن تسريـن امطـري
من حدود الشام لين اطراف حايـل=لاقصى الغويفات الى الحد اقطـري
من النخيب الى المنامة ما نسايـل=لين دسمـان الصبـاح المرمـري
من السعود الى الصباح اهل الجمايل=للخليـفـة لآل هــذال اخـبـري
والله انـا ماخذيـن ٍ كـل حصايـل=اينمـا تمضـي خراجـك فبصـري

[الغريب]

أنا لامن طرالي ما طرا مـن سالـف الأزمـان=وتذكرت الزمـان اللـي ردي الحـظ تبلانـي
عليـم الله لامنـي تذكرتـه عـويـد الـبـان=حشا ماهقوتي مثلـه ولا يخلـق بعـد ثانـي
الا ياوجد من وجـده يجـر الآه فـي كتمـان=على سود العيون اللي تفجـر فيهـا كتمانـي
على ذاك الجبين اللي يصارع رمشهـا الفتـان=يبان النور من ظل الرمـوش ويبـرق الثانـي
على حمر الشفاه اللي تماري حمـرة البركـان=على ترف الخدود اللي ذبحتني وكانت الجانـي
الا ياوجد من وجده الجريح العاشـق الولهـان=أنا وش حيلتـي لامـن ردي الحـظ تحدانـي
رماني بين طيـات الزمـان الواهـم الخـوان=وأنا مالي سوى ذنـبٍ ألبـي صـوت نادانـي
ركبت أمواج آهات الغرام وويـن لأي عنـوان=تلاطم بـي أمـواج الاه وصـار الآه عنوانـي
أدور في ظلام الهم وأشوف السجن والسجـان=وانأ من جهلي ما ادري عشقه كيـف سجانـي
وكـان الذنـب لاجـورٍ ولا زورٍ ولا بهـتـان=أحبه حـب عايشنـي مـع ذاتـي ووجدانـي
مع صمت الحروف اللي تداعب آخـر القيفـان=أعيش بذكريـات اللـي نسانـي او تناسانـي
اهيم بوادي أحلام الغريب ابحث عن الأوطـان=وأنا بمنفى الجراح ابحث عساني ألقى أوطاني
مع همس النسيم اللي يداعب صحوة الوجـدان=على هامش ضفاف ا لصمت ثارت ثورة أحزاني
بآهاتي بكيـت الآه بتمـرد ارفـض النسيـان=بنيران الحشا استنجد ويعلـن فيهـا حرمانـي
مع ذلك أنا صامد ولـو ادري أنـا الخسـران=بوهم حلم اللقا باحلم ولا احمـل جـرح ثانـي
وكانت معركة جرحي بـلا ساحـة ولا ميـدان=اسير وجرحي النـازف بقايـا حـب شريانـي

[ميران الكــوح]

الشاعر والفارس هايس بن مجلاد
يقول:

قم سوماجمد علـى الصيـن ياذيـاب
بـدلال يشـدن البطـاط المحاديـب

ويقول
دغيم الضلماوي الشلاقي الشمري


ياكليب شب النار ياكليـب شبـه

عليك شبة والحطب لـك يجابـي

هنا وفي عصر التطور والعولمة والانفتاح والفوضوية اتساءل مالذي يجعل كليب مطيعا لامر الضلماوي وذياب لامر هايس

فاستحضرتهما وانصحهما

واقول




الا يالله ياربٍ رحيم ٍ والي الاقدار=خطاوينا على درب السراط انك تسددها
توكلنا على حي ٍ عليم ٍ عالم الاسرار=وانا نفسي على قول الكلام الحق معودها
بعد هذا ابا اسوق الكلام الحر الى الاحرار=وانا عند الكلام الا عهد مني معاهدها
عليم الله لاكتبها واداعب هاجس السمار=وابا انظمها على بحري وابي منهو ينقدها
لاني باول الدنيا ولاني باخر الشعار= مير انّا تعلمنا من قروم ٍ بدايدها
درسنا في مجالسهم هل الطولات واهل الكار=لهم بيض العلوم..الا لهم شمّخ اماجدها
وابا اردد الا ياكليب الا ياكليب شب النار=الا ياكليب شب النار للمليون ارددها
الا قم عمر الفنجال هيل وبن ٍ ومسمار=الا يذياب قم عده من دلال ٍ مقندها
الا ياذياب قم عده الا ياذياب لا تحتار=لا تحتار في ناسٍ مكبرتن مساندها
اجل ما تدري انه تبدل هالزمان ودار=خلاص ايامكم يذياب لا يمكن تجددها
امانه انك تخبر كليب مايدري عن اللي صار=واذا انه ما يجامل مير والله انه مسودها
حذاري لا يقول شبدل التحرير الى استعمار=ترا كله هدف واحد مبينتن مشاهدها
تعودنا على عكس الحدث ونساير التيار=مع هالخيل ياشقرامع هالخيل نلكدها
ولا كنّا هل الضيف وهل السيف الحدب بتار=تورثنا توريخ ٍقديماتن عوايدها
تصنعنا ثقافاتن ثقافة عازف المزمار=وكلّن جرته راحت ولا منه مجودها
تفرقنا ولكنا يجمعنا دفيف الطار=وتباكينا على منهو سلامتنا مهددها
وصرنا مانميز من صديق ولا عدو وجار=ولا به فرق مابين الحمامة من مهندها
تعولمنا وصار الحل سلمي ونتناسا الثار=ولا كنّه صلاح الدين طهرها مساجدهاه
ولا هاني ابن مسعود انتخى لعيون اهل ذي قار=حدر في جموع اللي تعشى في ثنايدها
ولا سيف الله المسلول خالد حارب الكفار=روى فيهم ظمى سيف الين ارتد مرتدها
حقيقة ليه نخفيها وهل يوجد بعد اسرار=نبي الوحدة.. ولا وحدة.متى ياتي موحدها
توهمنا انتوحد في الاماني والاماني كثار=والا ياكثر ماضاعت اماني في وسايدها
تمذهبنا بمذاهب لين سرنا لاهدف وافكار=وطعنا في بعضنا لين دس ما دس حاقدها
تحزبنا الى انه صار عداء وكره للابرار=وهل يعقل بأن نزرع ولا نجني فوايدها
وهل يخفى على اثنين ثاني اثنين اذ في الغار؟=الا يكفي على الصدّيق كنيه من محمدها
سقا لله نصرة الفاروق فرق بين نور ونار=الا يالله عززنا وعززبه وخلدها
ومن اربح تجارة من ذو النورين ياتجار=وهل يوجد كما عثمان في مصحف موحدها
سلام الله على منهو شطر مرحب بذوالفقار=الا يعقل وذو الفقار كفه ما يعاندها
سلام الله على الاربع صلاة وذكر واستغفار=سلام الله عليهم حيث ما ضحو رشايدها
بهم قد ثبت الاسلام حظيظ ٍ في نهجهم سار =على الدين الحنيف وسنتن كانو سنايدها
اذن ياكليب لوتبكي وتهل من الدموع امطار= ولوّك تنتخي ياذياب الا ياذياب وردها

خلاص وفي النهاية اقول سقى الله ثورة الشعار=سقى الله عبرتن وسط الخفوق وبيحت سدها



.
.