--- ذاكرة الأحباب ---

[عبدالرحمن الغبين]

-1-

يا حارث الفكر [ الجنا طاب ] أوصله
ما غيرك أولى بهالرطب وبهالجريد

هزيت جذع الشعر وجاد بكل هله
حرام تترك ما تساقط لك فريد

شاعرك انبت لك بقلبة سنبلة
وبكل نبتة ألف ألف من القصيد

قلبي وأعرفة لا استبد به الوله
يضاعف يضاعف حسب ماهو يريد

يا زينة العمر .. / أجمله .. /أو مجمله
أكبر خطأ .. أمسي وأنا عنك بعيد

هذا الجفا ما عدت قاوي أحمله
كل ما أحاول / .. أقتنع / .. لا .. ما يفيد

صرت الشمال ، وصار قلبي البوصلة
من وين ما ترحل توجـّـة لك حميد

يقوم لك ليله ويطلبك الصلة
يعوذ بك من كل عـَـذّالٍ مريد

جا يعتذر لك عن شتايه وعمله
يزرع لك شموس الدفا بأعذب نشيد

إن شئت تغفر للمحب .. أمهله
وإن شئت تصلاة بجحيمك والوعيد


|
|
|


-2-


"أضحى التنائي بديلاً عن تدانينا"
صرت إبن زيدون يتوجّد لولاّده

يا بحر مدّ ، الحنايا شاطي ومينا
وأوقد من الحِدب كل ما تقدر إيقاده

لك روض صدري مدام الوقت يمدينا
شب القصايد ودافي حرفنا ناده

من هاجرت والوطن أمسى منافينا
حلّ الشتا بغير وقته ! -ماهي العاده- !

ما كانت الرعشه بهالوقت تاتينا !
وما كانت الدمعه لهالعين مرتاده !

قل لي ، مطر من سمانا ؟ أو مآقينا ..
فاضت عقب سبع عجفا بس بزياده ؟

أي والله اني على طاري تجافينا
أبكي وهو دوم يطري لي ولا اعتاده

لا ما انخلقنا عشان البعد يطوينا
بس إبتلتنا من الجنسين حسّاده

حالوا وصبّوا حسدهم في أراضينا
واستدركوا كل بلبل يرفع انشاده

حتى تساقط ورقنا ، طيب أمانينا
وجفّت ينابيع وصلك وانقطع زاده

وصرنا نتوارى عن الانظار ويجينا
نلعن زمان الوصال ونعلن حداده

وصرنا شفايف زمن يكره تلاقينا
كل ما افترقنا - ضحك - واتحقق مراده

غبنا ، طوى أيامنا البعد وليالينا
من يبعث الوصل من موته لميلاده ؟


|
|
|


-3-


يالغايب الحاضر معي وسط الافكار
يالمرتوي منّي .. وأخايل سرابك

يا أنسي .. أوحشني غيابك وما صار
يا شمسي .. أظلم صبح ما إبتدا بك

انت المطر وانت البَرَدْ وانت الانهار
وشلون أضما بوقفتي عند بابك !!

وإنت الفضا يالرحب .. والباقي أسوار
أضيق فيهم وأتفيّا سحابك

كن الحكي عقبك غدا "لغو ثرثار"
الله يا همسك ورقة عتابك

ذكرتك البارح "شذا ورد وأزهار"
لأ .. ما طريت بحضرته هو طرابك

يا ساكني .. كلي لك إختار إختار
الأرض أرضك والركايب ركابك

والبحر بحرك وانت يا إنت بحار
والرحبة الزرقا تقبّل ترابك

إرجع وعمّرني ترى البعد بوّار
أمحلت كل عمري برجوى شرابك

إن كنت ما تدري ولا تسمع أخبار
إرجع ترى أتحرّق للحظة إيابك

وإن كنت باحل في تراتيب الاعذار
إرجع علي وأنا أعتذر عن غيابك



للجميع أطيب تحية

[عبدالله الجلود]

يعطيك العافيه اخووي عبد الرحمن الغبين

[الحر الاشقر]

الشاعر عبد الرحمن الغبين

حضور كالمطر في ربيع المنتدى


اهلا هلابك بشعرك واحساسك



وصرنا شفايف زمن يكره تلاقينا
كل ما افترقنا - ضحك - واتحقق مراده

غبنا ، طوى أيامنا البعد وليالينا
من يبعث الوصل من موته لميلاده ؟

لازلت اذكر هذا البيت واحفظه في ذاكرتي ولن انساه


كم انا سعيد بهذا الحضور

وبهذه الكلمات من اول بيت الى اخر بيت و التي لا يقولها الا شاعر وصل الى القمه



صح السانك

اخوك ومغليك

سلطان المعجل

[ممدوح السالم]

الشاعر
عبدالرحمن الغبين
صح لسانكـ
ولاهنت ...
على القصيد الجزل
والرائع
أبدعت به وتميزت
تمنياتي لكـَ
بمزيد من التألق
والنجاح

[موسى المشعان]

الاخ الغالي عبد الرحمن الغبين



شهادتي فيك مجروحه

انت لك سلوووووب غيروالك طعم غير

صح السانك

[مشعل الاشجعي]

صح لسانك يابن غبين
الصدق قصايد جميلة جداً
ماشاء الله شاعرية رائعة وجميلة جداً وماهي غريبة عليك أنت من بيت فرسان وشعر .

[شجاع الاشجعي]

صح السانك يالذيب

قصايد جزله من جزل

ولاهي غريبه عليكم الجزاله

[صخر الاشجعي]

صح السانك


وسجل اعجابي

[اليتيمه]

الشاعر عبدالرحمن

سجل اعجابي بروعة حرفك

اختك

[غلاب سعود]

صح لاسانك اخوي عبد الرحمن
غبين لى الموجهود الواضح
منك وتستاهل شهادت شاعرنا
موسى المشعان فيك
وتسلم يمناك

[مني خذوكـ]

شكراً شكراً شكراً
مشكوؤوؤور اخوي وما قصرت القصيده روؤوؤعه
وتســلم
اخوكم/مني خذوكـ

[محمد الرسلاني]

صح لسانك اخوي عبدالرحمن

مبدع قصيده روعه

ولاتحرمنا من ابدعاتك

[سلاطين]

أخ عبدالرحمن صح لسااانك ولاهنت يا بعدي على القصايد الروووووعة.......... وتسلم يمناك لا عدمناك........

[فواز الرسلاني]

يعطيك العافيه وصح السانك

تقبل مروري

[حامد البدري الاشجعي]

الاخ الشاعر / عبد الرحمن العبين

صح لسااانك استاذي

تحياتي وتقديري

دمت بود

[قمر]

دائما رائع


عبدالرحمن الغبين

ماهو جديد عليه ابداعه:)