مجرد محاووله شعرية.....!!!!

[رآعي آلعليآ]

السلام عليكم ورحمة الله وبركاته

كيف حالكم يا اخوان ان شاء الله بخير ؟

وهذي اول مشاركه لي في هالمنتدى الرائع

عندي مجرد محاوله شعرية واتمنى توضيح الاخطأء اللي طحت فيها

القصيدة :


ليا استهــل كوري لحظـات ماضيــات .... ينـدب عــلى زمــان كثــرت حـمـوله
ويــرتــوي بـسـتــان خـدي بـدمعـــات .... دمــــرت آمـــال وأحــــلام الطـفـوله
وفرحتي محصوره بثواني ولحظـــات .... من حـزن سـرق بسمتـي الخجــوله
وبـداخـلي طفـل صغيـر مـا بعد مــات .... متــربـي(ن) عـلى افعــال الرجــوله
الكرم والطيب هو عيبه بكل الاوقات .... في زمن عكر نوايا القلوب بسهوله
يمنـى مـا أنتظـر مـن وراهـا هديـات .... أتمنى ثـواب كـل خـلـق الله سعـو له



اتمنى ان تحوز على رضاكم
لانها مجرد محاوله

اخوكم رآعي آلعليآ

[احمد العلاوي]

سيدي الفاضل / راعي العليا ..

اهلا وسهلا بك بهذا الصرح الشامخ الذي يعتنق ابناء عمومتك واهلا وسهلاا بك بعدد من دخل الشبكه الانترنتيه..!!

ولكن لا أعلم كيف سيبدأ تعبيري بأبداء رأيه حول جميلتك وروعتك التي طرحتها هنا..

ولكن ايقنت ان اعبر لك عن إعجابي بما كتبت..!!
فقد لمست .. المستوى الراقي لكتاباتك صح السانك والى الامام ..

[العقلاني]

ياحي الله عليان راع العليا

البيت الاول ياعليان وش المقصود
بكوري هومصدره كورة اللعب
ولا كوري من كوريا
ولا يعني تقصد راسك كتشبيه للكوره: والله ماانت هوين بس ضروفك صعبه شوي يافلان
المحاوله هذي انقزها وحاول مره ثانيه
لعل وعسي يجي بيتين على بعضهن وترى اول الغيث قطره
لاتيئس وحياك الله ضيفنا الجديد

[عبدالله العلاوي]

صح السانك ياراعي العليا ..

وماني شاعر عشان اصوبلك الاخطاء لكن الاخوان فيهم الخير والبركه .

ولكن تاكد بان القصيده جميله بكلماتها والتشبيهات .

صح السانك .

[فهد عوض الاشجعي]

انا مثل عبدالله ما اعرف بالشعر شي بس شكلها رهيييييييييبه الى الامام

[فهد عوض الاشجعي]

انا مثل عبدالله ما اعرف بالشعر شي بس شكلها رهيييييييييبه الى الامام

[فهد عوض الاشجعي]

انا مثل عبدالله ما اعرف بالشعر شي بس شكلها رهيييييييييبه الى الامام

[حمود الاشجعي]

الله يعطيك العافيه اخوي راعي العليا وصح الله لسانك

وهلا بك في منتدى ابناء عمومتك

الى الامام بالتوفيق

[رآعي آلعليآ]

اخواني
احمد العلاوي
والعقلاني
وعبدالله العلاوي
وفهد الاشجعي
وحمود الاشجعي


صح بدنكم
يكفيني مروركم الاكثر من رائع
يعطيكم العافيه يا اخوان

[رآعي آلعليآ]

ياحي الله عليان راع العليا

البيت الاول ياعليان وش المقصود
بكوري هومصدره كورة اللعب
ولا كوري من كوريا
ولا يعني تقصد راسك كتشبيه للكوره: والله ماانت هوين بس ضروفك صعبه شوي يافلان
المحاوله هذي انقزها وحاول مره ثانيه
لعل وعسي يجي بيتين على بعضهن وترى اول الغيث قطره
لاتيئس وحياك الله ضيفنا الجديد

الله يحييك طال عمرك
وانا اخوك الكور هو الراس
غريبه اول مره تسمعها ؟
اللي فهمته منك ان الابيات مو راكبه مع بعض ممكن لو سمحت توضح لي وش السبب؟
كرما وليس امرا ؟

[متعب الرحيل]

اهلآ بك رعي العلياء 00 اما البدايه جيده بس البيت الاول 00
لو قلت -- ليستهل الكور بالي مضى وفات 00
اشوف انه كذا ازبط ووفقك الله

[العقلاني]

هلابراع العليا كان بودي ياعليان
اني لم اجد مااقوله عن القصيده الا كلمات الثناءولكن هيهات وكان بالامكان المرور مرور الكرام والقاء التحيه والثناء كمن اثنى من الاخوان مجامله وتحاشى التوجيه لانه ربمالم يكن من اهل الاختصاص نعم قد يكون للنقد وقعه على النفس في فهم البعض للنقد
واحسبك ليس منهم بل اراك تبحث عن التوجيه والارشاد للصواب :وكمايقال صديقك من صدقك لامن صدقك، بعد هذا السرد المطول ندخل موضوع القصيده:، الحفاظ على القافيه لوحده لايعني استقامة القصيده
القصيده مالم تكن مغناه ليست
من الشعر ادرجها تحت اي مسمى، ارى من الاجدى ياعليان
بما انك كمايبدولي مبتدء ان تقوم قصيدتك بالغناء، بس مهو عاد بصوت عالي تقول البيت الاول ثم الذي يليه على نفس اللحن وهكذا حتي النهايه هذاكله بعد اختيار الموضوع
وهذاابسط الموازين للمبتدئين
مالم تكن السليقه حاضره وهي الموهبه الذي لادخل لنا بها ،وآسف ياعليان على الاطاله
وآسف مره اخرى اذا حصل خدش للمشاعر وامر تدلل

[خالد عوض الاشجعي]

الى الامام وبالتوفيق يالقرابه

[رآعي آلعليآ]

اهلآ بك رعي العلياء 00 اما البدايه جيده بس البيت الاول 00
لو قلت -- ليستهل الكور بالي مضى وفات 00
اشوف انه كذا ازبط ووفقك الله

يعطيك العافيه وماقصرت يالغالي

حلو حلو ومنكم نستفيد

جزاك الله الف الف خير ولاهنت

[رآعي آلعليآ]

هلابراع العليا كان بودي ياعليان
اني لم اجد مااقوله عن القصيده الا كلمات الثناءولكن هيهات وكان بالامكان المرور مرور الكرام والقاء التحيه والثناء كمن اثنى من الاخوان مجامله وتحاشى التوجيه لانه ربمالم يكن من اهل الاختصاص نعم قد يكون للنقد وقعه على النفس في فهم البعض للنقد
واحسبك ليس منهم بل اراك تبحث عن التوجيه والارشاد للصواب :وكمايقال صديقك من صدقك لامن صدقك، بعد هذا السرد المطول ندخل موضوع القصيده:، الحفاظ على القافيه لوحده لايعني استقامة القصيده
القصيده مالم تكن مغناه ليست
من الشعر ادرجها تحت اي مسمى، ارى من الاجدى ياعليان
بما انك كمايبدولي مبتدء ان تقوم قصيدتك بالغناء، بس مهو عاد بصوت عالي تقول البيت الاول ثم الذي يليه على نفس اللحن وهكذا حتي النهايه هذاكله بعد اختيار الموضوع
وهذاابسط الموازين للمبتدئين
مالم تكن السليقه حاضره وهي الموهبه الذي لادخل لنا بها ،وآسف ياعليان على الاطاله
وآسف مره اخرى اذا حصل خدش للمشاعر وامر تدلل
هلا بك زود يالغالي
صحيح والله انك صادق يالغلا بس حبيت اقول لك اني مانزلت هالابيات الا بعد ما شفت في منتدامكم شعراء مميزين ما ابي اذكر اسماء اخاف انسى احد منهم وربما يكون هو افضلهم لكن اللي ابي اوصل له الفايده من هالابيات المتواضعه اللي كتبتها وانكم توجهوني وتنتقدوني وثق تماما اخوي الفاضل سواء منك او من غيرك والله اذا كان النقد هادف وبناء ويرشدني الى الطريق السليم وبستفيد منه والله ماراح ازعل وبالعكس راح استقبله بكل صدر رحب
اكرر واعيد والله يالغالي مستحيل ازعل من احد يقدم لي خدمه ويوجهني للطريق الصحيح
الله يعطيك العافيه وما قصرت والله يوفق الجميع الى كل ماهو خير ونافع
اشكرك اخي الفاضل ولاهنت

[رآعي آلعليآ]

خالد عوض الاشجعي
مشكور يالغلا وماقصرت
جزاك الله خير ولاهنت

[طارق البدري]

بدايه موفقه اخوي

والى الامام

[رآعي آلعليآ]

تسلم يالغالي وماقصرت
الله يوفق الجميع لكل خير

[الغريب]

ماشاء الله عليك يالقرابه

محاوله تستحق التقدير

استمر ترانا متابعين لجديدكــ

وحيااااك الله في بيتك الثاني منتدى الجميع.

[رآعي آلعليآ]

جزاك الله الف خير ولاهنت

تسلم يالغالي والله هذا اللي حسيت فيه

من قبل ما اسجل عندم اني بين اخواني