ديوان خالد عوض الاشجعي

[المدير]

قراءة فقط

[خالد عوض الاشجعي]

أنت الوحيد أن غبت يدمرني الشوق =شوق النبات الضامي لريحة المــي


وأنت الوحيد اللي له أقدامي أسوق =وأنت أكسجين الحي وبعينك الضـي


آرد على حبك كمــــــا تآرد النوق =وأطوي الغلا في داخلي وأطويه طي


لا يا بعد غزلانها داخل الســـــــــوق =يامحيي (ن) قلبي وسط قلبك الحي


ياما رفعتك بالغلا عالين فــــــــوق =وأنت الغرام وغير حبك ولا شي


يامسك ياعنبر على قمـــــة الذوق =لا تجرحين القلب يكفيني الـــكـي


فارقتني ومفارق(ن) عيني الموق =لا يا بعــــدجــده على ساحل دبي

[خالد عوض الاشجعي]

ياقايلن صدر الشمالي ما يضـيــق =ضايـــق صدري وأنا من أهل الشمال

من عقب مايلعب بصدري فريـــق =مـــــــــــا بقى بالصدر لأنفاسي مجال

من سبايب غرون أودعني غريق = وأستحــــــــل القلب وأصبح له حلال

لو ثقيل النوم يسمع له يفيـــــــق =و لو تنفس بالملاح أصبــــح زلال

مارحم حالي ولا بحالي شفيـــق =غـــــــــــــــــــرون مدلل وجياته محال

قالها البدري وهو حرن طليـــــق =ولا عــــرفت الزين علمن أو خيال

[خالد عوض الاشجعي]

اشاجعه ربعي على العسر والـــلين =عز الدخيل وعز لضيف والجــــــار

اشاجعه شجعان والناس داريــــــن =وانشد عن الفريس تلقا لنا اخبــــار

يشهد لنا التاريخ بالماضي الزيــــن =تاريخنا واضح ولا جاله اغبــــــــار

وعدواننا ياحمود محصولهم شــــين =وهذا الصحيح ولا هو بهرج ثرثار

وشيوخنا المعجل هم الراس والعين =لا من تجمر جمرها داخل اوجــــار

وصلاة ربي على مرشد الخلق لدين =نبينا محمد وهو خير الاخيــــــــــار

[خالد عوض الاشجعي]

بيت شعــري حــلــق للكـوكب ســـمــاه =مايـوطي الراس مايخضع ذليل

لارســمته تـــرســم الـــدنيا معــــــاه =ترسم الواقع وترســم للمخيــل

وترسم الصـــوره لكريمن من عطاه =صارت الوديان من خيره تسيل

وترســم الصوره لفقيرن في دعــاه =مايـريـــد الــوقـــت يرميه لبخيل

وترسم الصوره لحضيضن ماعصاه =حضــه ولاطاح يركضله يشيــل

له ســحاب الغيث يــرويله ضماه =ولامحلت وديــانه بوقــت المقيـــل

واهني من باع حضـه واشــــتراه =او يصير لصاحــب الحـظــ العديل

وترسم الصوره لصغيرن مامعاه =ولا عــطــاه ابــوه لـو شـين قليــل

غير ثوبـــن عــام الاول به كساه =ولو يعــود العيد له مــره غسـيـل

وترسم الصـــوره لمخلوق ابتلاه =كبتقـول ولجــنا بوســط الفـصـيـل

من رفع لراس ماحـــدن وطــاه =ومن يوطي الراس ياطاه الهبـيــل

ومن وقا نفسه ترا المولا وقاه =ومن رضا بالهون يلقا له حصـيل

وترسم الصوره لمخلوق ومناه =يتجـــه لله مــن قــبـــل الــرحـيــل

[خالد عوض الاشجعي]

ياجبال الحنو ياتراب الحماد............ويالمتاهه تايهن والقلب تاه
ويانجوم اليل لايطول الابعاد...........وياطيورن بالسما وين النجاه
وياشعيبن ليت ينبتبك رشاد..........أرشد الي ماعرف درب الحياه
مرتكن لكن ماركاني الشداد ......... وقمت أدربل للمتاهه من وراه
وياسواد اليل لا يطول السواد.......في عيون الي خذا الهم وعطاه

[خالد عوض الاشجعي]

الشعر عندي مثل طفلن صغير = لاتكلم يهبل عيون الرجال
والشعر عندي على مكتب مدير = ينصرف له راتب بيوتن حلال
لا يهزه لا صغير ولا كبير = راسين كنه على اوراقي جبال
فيه حلو ضيع طعم المرير = والمرير انزاح من طي الجمال
من طمح للبحر يرفض للغدير = والبحر عندي صفا بليا همال
ما اتحدا لاكن بشعري خبير = وارسم الصورة وخليها خيال
والخيال اتخيله طفلن صغير = ومن نظر له قال لله الكمال
في سكوته عنبر وهرجه عبير = وان لعب يلعب على لعبت محال
جاني مبشر وسميته بشير = وصرت انا وياه بجواء الشمال

[خالد عوض الاشجعي]

يوم العرب جولة وللناس صولات = ربعي بهم ناس تدك الميادين
يوم العرب غارة وللناس غارات = ربعي بني مشجع ترد المعادين
وللجود جود وجودهم له دلالات = للي بعيدن نسلهم والقربين
فيهم كرم حاتم مع كل الاوقات = ربعي ولا ينقال فيهم رديين
يشهد لنا التاريخ من ماضِفات = حتا لفانا يابدر عام الالفين
وان كان فعل العرب له ضمانات = افعال مشجع تنكتب بالبراهين
لاثارت الثورة وجت للهولات = ثارت بني مشجع وثارت براكين
وصلو على محمد كثير الصلوات = اعداد ماتصلي عبادن مصلين

[فايز الاشجعي]

صــح لسانكـ على القصائد الرائعه اخوي خالد عوض

[خالد عوض الاشجعي]

أكتبني جملتن يأم العيون=تبتدي بالحب من بعد السلام
دامني مغرم بحبك يافتون=أفتنيني بالغلا بهمس الكلام
أفتني وذوبيني في جنون=وأكتبي عنوان جملتنا غرام
وكل حرفن داخل الجمله يمون=وكل نورن منك ضيع للظلام
لا يصير الحب في يدك مغبون=ولا ينوح الحب لو ناح الحمام
ولا يصير بحبنا شك وظنون=ولا يغطي عينك لعيني غمام
إن خذيتك كون خوذيني بكون=وإجعليني كون يابدر التمام
وأجعليني كون في كونك يكون=وأجعليني كون في حضنك ينام
لا يهون الحب تكفى لا يهون=وأكتبي جملة غلانا بأهتمام
وأخر بيوتي ترى عيوني مزون=وغيثها دمعي ولا تذوق المنام
وربنا للناس لو هم يحسدون=والملا للرب يا همس الكلام
وطشي الغشوه بأشوف أحلى عيون=مع شفاتن زاد سكرها وئام
وشفتك جمره صراحه يا فتون=وخايف تسوي حرايق للثام

[خالد عوض الاشجعي]

يابدر أنا شعري رسى بروس الأعلام=وحلمه كبير وزارو الحلم حساد
وكل ماوقفت يشدني قال قدام =أنا معك كان البواريد بزناد
اضرب وانا اضرب للعدو لينه ينام =ببيوتك الي مالتفت يمها راع الانقاد
ويابدر انا فكري ورق يطلب أقلام =بأقلام ماتمسك لها يدين الأوغاد
وعين حساد البشر جعل الغمام =جعل الغمام يظمها ويخفي السواد
وحلمه كبير وزادت اليوم الاحلام=انه يصير اليوم في روس الامجاد

[خالد عوض الاشجعي]

يابدر أنا شعري رسى بروس الأعلام = وحلمه كبير وزارو الحلم حساد
وكل ماوقفت يشدني قال قدام =أنا معك كان البواريد بزناد
اضرب وانا اضرب للعدو لينه ينام = والله لأ خلي عيدهم غير الأعياد
ويابدر انا فكري ورق يطلب أقلام =بأقلام ماتمسك لها يدين الأوغاد
وعيون حساد البشر جعل الغمام =جعل الغمام يظمها ويخفي السواد
وحلمه كبير وزادت اليوم الاحلام =انه يصير اليوم في روس الامجاد

[خالد عوض الاشجعي]

السلام عليكم ورحمة الله وبركاته



ما انساك انا لو كنت في حرب حطين=وماانساك انا لوكنت في حرب الافغان
ومانساك لو يصبح شمالك وراالصين= ومانساك لو ترحل سكاكا للاسبان
ومانساك لوتنسى البدو للبعارين = ولو تنتسي هتلر جماعات الالمان
وماا نساك دام النضر داخل العين= ومانساك لولفت الرجل الاوطان
ومانساك انامانساك لو جابو الفين= الفين غرون ناقلن حلو الاوجان
ومانساك انا مانساك ياقرت العين = يامن تعلى بالغلا وسط العيان
ومانساك لو صار للبدر نورين = دامك بدرينورعلى قلب ولهان
ودامك جمالن ما انوصف بالملايين = ودامك جمالن يبهر الانس والجان
ودامك غزال الجوف هز السلاطين = اركب بجنبي بالهمر واترك الفان

[خالد عوض الاشجعي]

أنخا عـــــدنان وقحطـــان =وأنخا من يقرا القرآن

ومن دور أجر وعـــرفان =للي حكمه حكم أعدام

ومن دور بالدين أحسان =أحمد في سجنه حيران

وبالفزعه فيكم شــرهان =والـــــديه صارت إلزام

ينادي بصـــوت العطشان =ينخاكـــم نخـــوة ميـدان

ميدان( ن) كله فـــرسان =فـــرسان تفــك المنضام

من غير قصور ونكــران =لربوعي راعين الشــان

ومن يفزع ماهو نــدمان =والخيــــر يعم الاســــلام

ونخواي بوســـط القيفان =نخــــواي لشــب وشيبان

نبغا صفــــــوفن كالبنيان =ونبــدل قيـــــده بحـــــ،زام

مادم الاســـلام اخــــوان =اخــوانــن وســــط البلدان

فكو لأحمــــــــد هالبيبان =وزفــــوه بلبســن من خام

والموقف موقف شجعان =شـجــعان تهــــــز الميدان

كــبارن والاصبـيـــــــــان =والامـــــــه ..امــة اسلام

[خالد عوض الاشجعي]

السلام عليكم ورحمة الله وبركاته


ما اريد انا الشهره ولا اريد الاعجاب = مادام ربعي راضينن عليه
ولا اسمع كلام اللي يتكلم ورى الباب = مادامها تمطر علي ابرديه
في منتدى يحمل عزيزين الاصحاب = وفيه الجماهير اشجعي واشجعيه
فيه الرجال اللي بهم طلق الاشناب = وبوقت الملاقا كل ابوهم سويه
ولاينبني بيتن وهو ماله اطناب = وحنا بنينا والفخر لشجعيه
ولا اريد انا شهره تبعد للاقراب = مع احترامي للربوع البقيه
ولا ابيع انا ربعي لوجت للارقاب = ولا ابيعهم مادامت الروح حيه

[الغريب]

يالله ثبتنا وثبت بنا الدين =ولين قلوبن قاسيه ضد الايمان
وأجعل قلوبن قاسيه تنقلب لين =وغير لنا أحوال العرب وسط الاوطان
ونرجع بداية ونبتدي بالعناوين =وعنواننا يثبت على خمس الأركان
ولاننظر لغربن وشرقن ملاعين =الي أنكرو لدين والدين عرفان
وبرايهم حرم الرجل هالمجانين =تترك ولدها وتزبن الجمس والفان
وتقود موترها وميه وثمانين =الفتنه الي مالها سر وأعلان
والحمدلله عباد ومصلين =وبلاد أخو نوره قويه بالإيمان
بقيادة الزيزوم عبدالله عوين المساكين=الي تمسك بالعقيده ولاهان
والي مسك لدين ذل الشياطين=والي رفض لدين ياقع بنكران
والحمدلله ما بنامن مجانين =ولانسمع الي راكبن عقله الجان
واخر كلامي دعوتي للملاعين =عساهم بنار الجحيم وخبر كان

[الغريب]

ياما سريت بهاجسي للمراقيب =وياما سهرت بمرقبي لانصف الليل
وياما لقيت بمرقبي من تعاجيب =وياما لقا فيني ضروف وبهاديل
وياكثر مامد اليمين بتراحيب=وياكثر ماهلا الجدي ورحب سهيل
وياكثر مانادى القلم للمكاتيب =وياكثر مامال الفكر للمواويل
وياكثر مالبا لهجوسي مواجيب =وياكثر مانالت شعوري محاصيل
وياكثر مايعطي ولاله مطاليب =وياكثر مازغرد هجوسي مع الليل
واكبر خساره للعمر من مكاسيب =أني افارق مرقبه والتعاليل
لكن عهد ماأنساه وأنسى المراقيب =الا اذا كان البدو تكره الخيل
وأستاذنه لو كنت ضمن المعازيب =وأستأذن الدله على البن والهيل

[الغريب]

بـعــض الـبـشـر لاجـيــت لـبــا مـلـبــاك=وبعض البشر ترجـع قبـل تطـرق البـاب
وبـعـض البـشـر لاطـحـت قـفـا وخــلاك=وبعض البشر لاطحـت شالـك ولا غـاب
وبـعـض الـبـشـر بالـخـيـر دوم يتـقـفـاك=وبعـض البشـر لاغبـت منشـاره اغـتـاب
وبعـض البشـر لااخطيـت قـام يـتـداراك=وبعض البشـر دون الخطـا كشـر النـاب
وبعـض البشـر بالجـود صـوت وعشـاك=وبعـض البشـر علـم الـردا فاتحـن بــاب
وبـعـض البـشـر للفـتـنـه الـيــوم شـبــاك=وبعـض البشـر يقـرا عـن الفتـنـه وتــاب
وبعـض البشـر هامـور يـاكـل للاسـمـاك=وبعض البشرمن طيحت السوق منصاب
وبـعــض البشرلـلـمـال غـنــا وتـنـاسـاك=وبعـض البشـر بالـمـال عــزه لـلاقـراب
وبعض البشـر لامـن غـدا جـارك اوذاك=وبعض البشر من جيرته صـارو انسـاب
وبعـض البشـر عـن نفسـه الـيـوم بــداك=وبـعـض البـشـر خـايـن وبـايـق ولـعـاب
وبعض البشر لوهـو عطـش ميـه ارواك=وبعـض البشـر مـن عزتـه ذل الاشـنـاب
وبـعـض البـشـر يحـسـدك لوهولمـبـنـاك=وبعـض البشـر ذيبـن ولـو دون مخـلاب
وبعـض البـشـر نـوبـن يـمـرك ويـبـلاك=وشف اتفه الاسبـاب راحـت لهـا ارقـاب

[الغريب]

للعين عيني ناظرت والله يعين=وعينها لعيني وبالعين أشرت
وقربت ليه مع أبليس اللعين=والجنون جنونها وبي حضرت
قلت أنا يابنت وش بك تقربين=قالت جروحي من عيونك برت
وقلت أنا يابنت مافيني حنين=قالت أتكذب لك عيون أنظرت
وقلت أنا يا بنت لالا تفرحين=أنطوى فكري معاها ولي طرت
وسألت منهي وقلت اللي حسين=طبعها ولا يوم بالعمر أغدرت
وبعدها للحب ماقلبي يلين=وما قريت لغريها ولاهي قرت
قالت آنا من تدور له سنين=والذي عينك على شأنه أسهرت
قلت من أنتي وقالت ياسمين=قلت أنا أشوف القريات أنورت
وسألتها ليه القمر بطل يبين=قالت ظروف الزمن بي أغدرت
قلت يعني مانشوف الياسمين=قالت أتمنى ودمعتها أقطرت
وقالت أسمح قلت رب العالمين=يحفظ اللي في سمانا عطرت

[الغريب]

السلام عليكم ورحمة الله وبركاته

هذه الابيات موجه للاخ الرائد/ سعود بن هلهول الاشجعي





انشهد ان الجـود عنـدك ومبنـاه=عند الذي شرواك يمشي على الجود
وانشهد ان الجـود مثلـك وشفنـاه=يابن الشمال الي تجنب عن السـود
وسعود ابن هلهول مبطي عرفنـاه=انشهـد انـه مالفـا لكـل منقـود
طيب وكرم بسعـود حنـا لقينـاه=انشهد انـه قايـد وقايـد الجـود
لاوهني من هو عرف من عرفنـاه=ابن الكريم الي خذاها مـن جـدود
والي رقـا للمجـد ياخـذ بيمنـاه=وحقن على خالد يجيلـه بمـردود
ولاوالله الا حـق منـا عطيـنـاه=ولاوالله ابـالـغ بحـقـه ولاازود
يستاهل امدحبـه بشعـرن وزنـاه=ويستاهل النوماس وانا من شهـود
انه رقـا للمجـد ولامجـده افنـاه=وانه حبل للجود والحبـل مشـدود



20/10/1430هـ

[الغريب]

أبيات متواضعه مهداه اللى الشاعر خلف المشعان




أحدِ بدا عمره يحوش الجمالات=وأحدِ بهالدنيا عجز لا يتجمل
وأحدِ بها الدنيا يشيل الثقيلات=وأحدِ على خف الحمل ماتحمل
وأحدِ بهالدنيا يحوش الرديات=وأحدِ طريقه للمراجل تكمل
وأحد بهالدنيا سعى للملذات=وأحدِ تلذذ بالعنى والعمر مل
وأحدِ رقى للمجد فوق الطويلات=وأحدِ يطيح بحاجته لكن أهمل
وأشوف أبن مشعان شال الجزالات=وغيره عن الجزله بعيد يتأمل
وهذا خلف لا قلت راع المهمات=وبيت الشعر منه سمعنا ولا أنمل

خالد عوض

[خالد عوض الاشجعي]

حنا الوطن


قالو نحضر قلت حنا حضرنا = من يوم جيش المملكه حضروهم
حنا الدفاع اليوم نحمي وطنا = والطايره بالجو تقصف عليهم
يا ويل منهو بالعداوه زبنا = ويا سعد منهم للدفاع أشتروهم
حنا حضرنا ولا يجينا خطرنا = ونرّد عدوانن علينا أرسلوهم
الحوثي وغيره ترى ماعسرنا = أذا نخى سلطان دور عليهم
ما فيه جندي بالدفاع يتونا = ومافيه حينٍ بالزمان يحديهم
حنا دفاع ودوم نحمي علمنا = وبطايرات الجو نقطع يديهم
حنا الوطن حنا وحنا وطنا = نحيا ونموت ولا علمنا يجيهم

[خالد عوض الاشجعي]

هد الهداد



من صد صد وصدته مالها رد =خله يولي واشتر اليوم غيره
لوكان غالي للغلا ينوضع حد=قبل يغدي عمرك وعينك سهيره
اللي يتعلا حط من دونه السد=واللي يتغلا خله يموت حيره
بكرا جروحه في ضميره تمدد=ويشوف حين مات جوا ضميره
مادامك من عيال حرن به الهد= هد الهداد وفكنا من مطيره
كم واحدن دور وداده ورا الود= وماحصل الامن غثا زمهريره
وكم واحدن وجه الوداد انقلب ضد=وعقب البحر مانال حتى غديره
وكم واحدن لاشاف خله تردد= وعاش العمر حسرت رجوع ومسيره
وكم واحدن لاشاف خله تمرد=ويفكر انه شيخ قوم وعشيره
وكم واحدن لاشاف خله تنكد=مايملك المصروف لاجل الاميره
وكم واحدن خلا الحبيبه ورقا المجد=ولاجل المراجل مايقيل الضهيره
ومتسترن في مرجله ماتجرد=وهو منوت العشاق في كل ديره
وابا انصحك من قول صادق له الجد= خل الحبيب اليوم يتبع مصيره
واكيد انك يوم تلقا من يود= وتلقا من اللي يحتضنك بعبيره
ومافايدت هرجي اذا طال وانعد=الي نضرك بعين ماله بصيره
وترا السؤال الصعب عندي له الرد=عينك تشوف ويد خالد قصيره

[خالد عوض الاشجعي]

عيال وايل



شاعر واعسف القاف واسري بمسحوب=واهيجن بيوت القوافي والاشعـــــار
ولي بندق (ن)وافي وضاري على الصوب=ولي جمرة(ن)بالشعر فيها لهب نار
ولي بيت عز وداخل العز منــصوب =ولي بنت فكر وبيها ضــــد الأخـــــــــــــطار
ولبستها عقدن ثمين (ن)على الثوب =ثوب الحرير الي تمتـــــــع به أنظــــــــار
ولي شمس(ن)بشعري لها ضي لاهوب =ولي نجمتن تسطع وتجهر للابصـــــار
ولي قمرة(ن)يسهر لها كل موهوب =وماخذ مع اهل الشعر جوله ومشــــــــوار
وأرضي خضار ولا لفاه سنا الشوب =وأرض الخضار اليوم تسقيها الأمـــــــطار
وله الفخر مادامه اليوم مكتوب =في منتدى الويلان وافـــــــــــــين الأشــــــــــبار
الي لهم وقتن مع الناس محسوب=يوم العرب شيخة وللغرب مخـــــــــــــــــــــتار
وقفت بني وايل صناديد الحروب =وتارد حياظ الموت وتدوس الأشــــــــــــــــــرار
ولا هابت قلوب(ن)لابن وايل بنوب =عيال وايل نسلهم نسل الاحـــــــــــــــــــــرار
وتاريخهم لناس وفى لماجوب =يوم العرب للحرب طبلن ومزمـــــــــــــــــــــــــار
ويوم العرب نهبن وسلبن ومنهوب=تلقى بني وايل لهم سيف بـــــــــــــــــــــــــتار
وهذي الحقيقه قلتها علك اتوب =ويغفر لك المولى وتبعد عن النــــــــــــــــــــــار

[خالد عوض الاشجعي]

نصيحه


البارحه همي تعدى قياسه = ومن زود همي صبح الصبح مرضان
ماكن بالدنيا جراري وناسه = وعدي قضيت العمر كله بحرمان
من سبت اللي والفت له نجاسه = ورع يتليف بنجاسه وطربان
راحت حياته سكرتن وسط كاسه = مايدري ان العمر جغمه للعطشان
ومستقبله ضاع وتناسى الدراسه = ويمشي مع الشارع ولا كنه انسان
والاب داله ماعرف وين راسه = لين الولد ضاع وتقفته الاحزان
واخر حياته منتهاها تعاسه= وضاعت حياته والسبب شلت ادمان
والعود الاخضر لاتبين يباسه = مابه فوايد لانمحت منه الاوان
رافق ولدك وعامله في سياسه = لين يغدي طير( ن)كما طير حوران
والطير مايطبخ ترى وسط طاسه = وسعر الذهب غالي لو قل الاوزان
وهذه نصيحة خالد بوسط ناسه = والخيل من خيالها وابنك حصان
وكل على ماقيل عقله براسه = ونصيحتي ياليت تقراها الاعيان
قبل الولد يرميك وسط التعاسه = وقبل يتقوى الجذع وتميل الاغصان
لاتغرك الدنيا ومكتب رئاسه = ترى العمر لابد مايقاله فان
وصلو على محمد نهار ودماسه= اعداد مايمطر على الارض هتان

[خالد عوض الاشجعي]

قائد القوات


هذه الأبيات المتواضعه في سلامة سيدي صاحب السمو الأمير سلطان بن عبدالعزيز أطال الله عمره . أرجو أن تصل لذائقتكم الشعريه .



الحمد لله نحمد ونشكر بعد = في سلامة من تطمنا بشفاه
ونحمد الله في شفاء والي العهد= ونطلب المولى يزيده من عطاه
الأمير اللي زمانه ماجحد = شاهدٍ بالجود ولاعمره عصاه
للمملكه يمشي بأمانه وفي جهد = ومن لفاه بحاجةٍ حقق مناه
وقايد القوات كلٍ له شهد = ومن يلوم قلوب تتمنى شفاه
والمطر دومٍ يجي بعد الرعد = وسيدي سلطان يستاهل غلاه
والفهد ماجاك الأ من الفهد = وعبدالعزيز مخلف فهودٍ وراه
وعبدالعزيز اليوم نرجي له بعد = يرحمه ربي ويطيب في ثراه
ويحفظ لنا الحكام ويعطينا السعد = ويحفظ وطّنا وقايد الشعب يحماه
والوايلي للمملكه معطي وعد = والوايلي للمملكه معطي ولاه
والحمد لله نحمد ونشكر بعد = في سلامة من تطمنا بشفاه

[أبو ريان]

أنت الوحيد أن غبت يدمرني الشـوق
شوق النبـات الضامـي لريحـة المـي
وأنت الوحيد اللـي لـه أقدامـي أسـوق
وأنت أكسجين الحي وبعينـك الضـي
آرد عـلـى حـبـك كـمـا تــآرد الـنـوق
وأطوي الغلا في داخلي وأطويه طي
لا يـا بـعـد غزلانـهـا داخــل الـسـوق
يامحيي (ن) قلبي وسـط قلبـك الحـي
يـامـا رفعـتـك بالـغـلا عالـيـن فـــوق
وأنـت الغـرام وغيـر حبـك ولا شـي
يامسـك ياعنـبـر عـلـى قـمـة الــذوق
لا تجرحـيـن القـلـب يكفـيـنـي الـكــي
فارقتنـي ومفـارق(ن) عينـي الـمـوق
لا يــا بعـدجـده عـلـى سـاحــل دبـــي

صــــــح لسانك

[خالد عوض الاشجعي]

نوف(ن)غلاها في ضميري من سنين = حسبي على اللي حدني عن غلاها

جوها العواذل وبعدوها عن العين = وعيون خالد تذرف اليوم ماها

والروح تشكي من عنا الزين للبين = والبين بين من ردي(ن) خذاها

جاها الردي والحظ لصويحبك شين = وقفت وراحت من ردي(ن) عطاها

الشايب اللي باعها بالثلاثين = حسبي عليه الشايب اللي حداها

والام قالت عندنا غيرها اثنين = قلت الله اكبر من يطيح غلاها

لو درت انا المغرب واعاود على الصين = الله وكيلك مالقيت لحلاها

لكن خلاصة هرجي اليوم سكين = يطعن به الشايب ردي(ن) خذاها