ديوان انور البدري

[المدير]

قراءة فقط

[أنور البدري @]

هات الورق تكفى وناولني الكاز = وأحرق حروفن ما شكت دمع غزه
وإن كان ما يعجبك صدره على آز = ما أبيك تنسى العجز لا تستفزه
مرحوم يا شيخن يسمونك الباز =ومثله عزيز وغالي وله معزه
قلبي تعسكر بس ناقصله إيعاز = ونبضي تفجر من عيونن تخزه
يموت شيخن ما ملك حق عكاز = وطفلن رضيع وما تهنى ببزه
وخسران منهو ما بكاهم ولا فاز = والحر حر ولا يشبه بوزه
ماني بشاعر لا ولا جبت إعجاز = وزلزال حرفي ما يهز ويهزه

[أنور البدري @]

الذيـــــــــــب جــــــاه الذيب في وادي ذيــــــاب = في حرة الحرة ولا مـــــــات خايف

والمـــــــــــوت حــــــــق ويرجع بن ادم تراب = وخسران منهو كــــان زاده خفايف

كــــــــــم من شبابن راح عمـــره ولا شــاب = ولا فادهم ليل الطرب والمصــايــف

ضيــــــــــع صلاته دون ما يحسب حســــاب = حتى أنتهى عمر الشقى بالحسـايف

مـــــــــا أكتب أبيات القصيده بلا أسبـــــاب =والدمع فوق الخد منــــــــــها ذرايف

لا جيــــــــــت ابا أكتب شعر دونت ما طـــاب = والشعر في صدري رقى للنــــــوايف

يا صاحبـــــــــي أغليك ياعز الأصحــــاب = والعمر من دونك عــــليه الحســايف

الشعــــــر نبض أحساس والجو خلاب = ومن كيف رأسي لا وصــــــل للشفايف

ونزف القلـــم ألف من أشعاري كــتـاب = ودون حروف الشعر باأحلى الوصايف

[أنور البدري @]

أبيات شعري للرجـــــــال المناعير =اللي لهم بالطيب عرش الأمــــاره

ولكل من شارك حضور وجماهير = يالله عساكم بإزدهار وحضــــــــاره

يالله ألهمني جميل التعــــــــــــابير = وفرج على المسجون طال إنتظاره

يالأشجعي يمك نزف التباشيــــــر = وتسمع صداها حين وقت الزيـــــاره

عيال وايل وأقفه لك طــــــــوابير = وكلن على مــــأقيل عارف مســـاره

وياحاتم الطائي ويا سالم الـــزير = تاريخكم حـــــــاضر وكلـــــــه إثـــــاره

يقولهــأ البدري وغـرد بها الطير = فزعة وجيه الخير والله بشـــــــــــــاره

[أنور البدري @]

ياعالم بخافي القلوب الحزينه = يا غافر لذنبي ويا قابل التوب
يامنجين نوح النبي في سفينه = و يا مرجعن يوسف على أبوه يعقوب
ويامن نصر عبده بأرض المدينه = ومده بجندن خلت الحزب مرعوب
ويامن بذكرك نستلذ السكينه = وأطيب لنا من كل مطعم ومشروب
يارب عبدك بر في والدينه =وصابر على ماهو مقدر ومكتوب
يارب تنصر كل مسلم بدينه =وأرحم عيونن دمعها صار مسكوب
وأنور سألتك يا إلهي تعينه =يا معطي الجنه ويامثبت قلوب

[أنور البدري @]

لا جيت أبي أوصف أوصفه طير حوران = حرن على خرب الحباري مصيـــبه

شاعر مشاعر لون أشعاره ألـــوان = وتطرب لـه الأسماع فيما يجيبـــه

إنسان لكن يجذب أحساس إنســان = ويروي ضمى منهو جروحه عطيـبه

ياذيب ياللي هابك الأنس والجـــان = يا من لك حروفن بها كل طيبـــه

منك تعلمنا على نظـــم الأوزان = يا مالك أحساس الشعر ياطبيبـــه

خوتك يا تركي على العــز عنوان = وللرأس ترفع دون شكن وريبـــه

[أنور البدري @]

يامرحبا بأغلى من أعز الاخوان = وأعز من قولة صحيب .. وصحيبه


ترحيبة ٍ يسقى بها كل عطشان = مي ٍ قراح ولا تحثرب قليبه


من قلب مامور ٍ على حفظ الايمان =وكتاب حق الله وسنة حبيبه


ومن قلب ماخان الصداقه ولا خان = ويبقى على الخوه ولو هي صعيبه


يامرحبا بك يامسمى كحيلان = ياعز من ضاقت عليه الرحيبه




يالوايلي ياترث طلقين الأيمان = يانسل عود ٍ مايغمض حريبه





ارسلت قافك وارتفع عذب الالحان = وتمايلت خضر الغصون الرطيبه



اهديتني من بحر الاشعار ديوان = عليه سقت من المشاعر .. كتيبه


رصعته بماس ٍ ولولو ومرجان = وعطرته بفكر العقول اللبيبه


خليت حرفي ينكسر منك خجلان = ومهما ارتفع.. يقصر بعلوك رقيبه




الشعر ورد وداخلك الف بستان = مدري نصيبك ورد والا نصيبه



واختامها يااغلى من اعز الاخوان = انت الصحيب اللي فخر به صحيبه



الشاعر / تركي فلاح الجعفري

[أنور البدري @]

لورسمت البحر حبك ترسم أشواقــي سفينه = ولو رسمت الكون دونك أعتقد مالي وجود

ولو أحس بنبض قلبك يرسم أحساسي مدينه = وش مدينه ألا أكبــــر من مساحات وحـــــدود

ليـــه ما أحسست نبضي ليه ماتسمع حنينه = وليــه ماترحـــم محبن حس في بعدك جحود؟

أه من قلبن طعنته بالهوى وأصبـــح رهينه = أه يا لــيل المحبه هل ترى يمكن يعـــــــــــود ؟

ليه تشقيني وترحل وتترك حروفي حزينه = وتترك أحساس المشاعر صوتها صوت الرعود

[أنور البدري @]

يــــابدر أنــــا بالشعر صادق ولا أغش = والصدق فيني ساكن (ن) في محلــــــــــه


بالــــدم يالغالي أرش الشعـــــر رش = ودموع عيني زادن الطين بلـــــــــــــــــــه


أحش صوت الحس من داخلي حــش = وأنور ورى الطيبات كلن يدلــــــــــــــــــــه


وبقدرتي يأخوك أصحك تحــــــــــرش = والشعر مثل السيف بالحرب سلــــــــــــــــه



وصلاة ربي عد مالغالي أرمـــــــش = على رسول (ن) ملته خير ملـــــــــــــــــــــــه

[أنور البدري @]

رسمت لك نبض المحبه والإحساس = وأهديت لك دانة قصيدي هديــــه

ونظمت لك عقدن مرصع بالألماس = وعزفت لك قيمة غـــــــــلاك بيديه

خليتني عايش أمل وأترك اليـــاس =وألزمت قافي في حروف أبجديه

الشعر من نبع الغلا يوجع الرأس = لكن غصونه بالهوى لـك نديـــــــه

وبنك الهوى يابنت لويشهر أفلاس = يبقى رصيدك فيه عمري هديـــــــــــه

[أنور البدري @]

على القمـــــــــــــــــــــــــــــــــــــه تواعدنا وشفنا أن الليال طوال =نحاول مـــــــــــره ومــــــــــــــــــــــــــــــــره ولو قلنــــا العمر فاني

قدر ماكــــــــان في علمــــــــــــــــــــــــي وربك عالم الأحوال = لا أدري ولا تــــــــــــــــــــدري ونعـــــــلم خمـــــــــس الأركاني

شهادة حــــــــــــق وتصـلـــــــــــــــــي وزكـــــــــــاتن طهر للأمـوال =وصـــــــــــــــــــــــــــــــــــــوم الفرض في تسعه وحج البيت يا فلاني

وتـــــــــــــــــتــــــــــــــــــــــرك عنك ماقالوا وأبي تصادق لي الأقوال = ولا تـــــــــــغتـــــــــــاب خـــــــــــــــــلــــــق الله وتـوذي قاصي وداني

نـــــصيحــــــــــــــه وعـــــــــــــــــــــقلك براسك وأعلنها على الجوال =قــــــــــــبــــــــــل لا تصـــــبــــــــــــــح المجني عليـه أو تمسي الجاني

[أنور البدري @]

ذكرتك آه لــــــو تدري غلاك بداخلي جمره = ذكرت وكانت الذكرى أليمه من سبب فرقــاك


ذكرت الحب من بعدك عذابن بالصدر قبره = وذكرت أحساسي الغربه وأنا ميـــت على لقياك


ألا ياليت دمع الشوق يطفي لهفتك مــــره = وألا ياليت هالمنيه تحقق لك بدون رضــــــاك


نسيت أيام حبي لك لو أنك ميت حســــــره = خلص قررت أبي أنهي العلاقه بيننا وأنســـاك


جرحت النظره بنظره وبان بنظرتك عبـــره = بكيت وســـالت دموعك على خدك ألين شفاك

كتبت الشعـــرمن حزني وكان بعزتي قـــدره = كتبت وكانت القصه نهايتنا أنا وأيــــــــــــــــاك

نزفت الدمع من عينك وعينك مابها قطـــره = وشكيت بدمعة أحزانك عذابن شفتــــــه بدنـــيــاك


تصدق يوم جافيتك أشوف أن حالتي خطره = ولا أبي أعيش بأوهامك وأموت بحبك وذكراك

[أنور البدري @]

الخطأ وارد وكل إنسان يخطي = والخطأ ياهــوه مــا تعرف خطاك

لا تجاهل نصحنا وأقرأ لخـطي = وأنطق حروفن بها تعرف غـلاك

ان عطيت الي سألك الله يعطي = وأن نهيته مامــعك كفـــــــه بلاك

لوسكن روما وثمن جاك غطي = والله أنه ما تزحزح عن هـــواك

وغير حبك ساكنن بالقلب تبطي = أي نعم تبطي وأنا مالي سواك

[أنور البدري @]

جيب الربع لامن طوى قلبي الهم = عز الصديق اللي يعرف الصداقـــه

أنا اشهد أنه لي رفيق وولد عــم = وبيني وبينه عهد حب وعلاقــــــــه

لا شافني ضايق يصفي لي الدم = بأحلى طبيعه مع ثلاثـــة رفاقـــــه

قلبي عليه أشفق من الاب والام = والله مـــــاقلبي تحمل فراقـــــــــــــه

ياكم وردنا على بيــــــر زم زم = غير الدروب اللي تجيب الطفاقــــــه

وسمه على الكبوت فارس ملثم = وعندي يساوي بالغلا ألف نـــــــاقه

[أنور البدري @]

كـانك على هجري ملـــزم وناوي = الله معك أرحــل ولاني بنــاسيك

أبقى على الذكرى وأعيــش الهقاوي = وأكفكف دموع الحــزن في رجاويك

والله يجيـــرك من كثــير البلاوي = لا تتـرك حـــروف الألم في محاكيك

من صابني سهم المحـــبه شقــاوي = وحروف شعري في عناها تسليــــك

ياريم أنــا قلبي بحبـــــك هواوي = والله لأبيع العمــــر وأزعلك وأرضيك

[أنور البدري @]

كل أشجعي يملك وسام الشجاعه = وربعي ذيابه فوق روس المراقيب
أفخر بهم مابين ساعه وساعه =أشاجعه أهل الكرم والمواجيب
لكبارنا نمضي بسمعن وطاعه = ونخفض جناح الذل قدرن وتوجيب
وصغيرنا في وقت سن الرضاعه = يعرف حقوق الضيف عند المعازيب
الطفل مثل النبت يزرع زراعه = ويعلم علوم المراجل بتهذيب
ولا همنا اللي يصدرون الإشاعه = نعلم بحق الله ولا نعلم الغيب
والنور نور الأشجعي أو شعاعه = ومهما أظلمت دنياه رابي على الطيب

[أنور البدري @]

جرح الجروح وجرح جرحك وجرحي = تجرح جروح جراح جرحي وجرحك
جرحت جرحن يجرح بجرح جرحي = لكن فديتك جت على نزف جرحك
ماهو جديد أسلوب شعري وطرحي = لكن نويت أسمع متاهات طرحك
الشرح من شرحك ولا هو بشرحي = وأشرح لك الحصه على كيف شرحك
لا من فرحت أفرح على شان فرحي = والا الفرح عيا يجي يوم فرحك

[أنور البدري @]

ديارنا من الحسد تشكي الجفافي = وحنا أبتلشنا بين سطره وشطره
ياأخوك أنا صاحي ولوكنت غافي = والشعر مثل الورد لافاح عطره
لا جيت حافي فوق جمر القوافي = أون لكن عندي الشعر فطره
الشعر سيدا وما يجي بأنعطافي = والشعر مثل السيل يبدا بقطره
ويا سعد منهو مهتني بالطوافي = ولا مال يم الشعر والحال خطره

[أنور البدري @]

صفى صافي بعقل عاقل وشوش به بلا تشويش = أبتردد عالي الموجه على أف أم برمجها
عبرعبر الأثير بصوت لا عالي ولا بشويش = وسط في جوهرالمعنى ونهجه من مناهجها
سرى في ليلتن خرمس وقابل نقطة التفتيش = ولامن رخصة قياده تفكه حين يخرجها
ثمان سنين والمركى على كوعه ويسأل ليش = سأل منهو نسى حاله مع الهرجه وهارجها
طموحه وأكبرأحلامه وساده تمتلي بالريش = وهمه بعتبت بابه ترى ياكيف يدرجها
الأ ياشابك الكهرب تكهرب قبل شبك الفيش = لأجل عينك وعين أمك وعين أبوك وأرهجها
أنا من عاش في جوي وربك ما يطيق العيش = ولكن هذي الدنيا وعسى الله بس يفرجها
وأنا وجدي لأجل شوفه يصف الحرف صف الجيش = ويدرج كل مايدرج على لسانه ويهرجها
وأنا ماعشت في عمري وأعرف الطيش يوم الطيش = ولا أخلاقي تعيبني ولافي يوم نحرجها

[أنور البدري @]

الشعـر يبغـى فلسفـه مــع درايــه = إن كنـت تسمـع بالحقايـق والأوهـام
دار الرحـى بـأول طريـق البـدايـه = وقبـل النهايـه يجنـح لعـرش حـكّـام
لـه غايـةٍ تطغـى علـى كــل غـايـه =تمشي على ممشـى أبـوعـدي صـدام
أدري تـقـول المشنـقـه بالنـهـايـه = بـس الشجاعـه بينـت يـوم الأعــدام
بعيـد الضحـيـه زاد فيـنـي شقـايـه = بعيـد الغثـا والهـم والحـر منـضـام!
ياصـاح لا تمشـي علـى الـدرب تايـه = مديت لـك يمنـى لهـا عشـرة أعـوام
عطنـي يمينـك فـي طريـق الهدايـه = يكفـي مـن الأحـزان وطعـون الأيـام
الشعـر ماهـو مقتنـع فــي كفـايـه = مابيـن همـز وغمـز وأحـلام وأريــام
من سل سيـف الحـرف غـدر وورايـه = صفـرٍ شمـال الجـوف مـا زاد الأرقـام
قبـل الـدواء ننصـح بأخـذ الوقـايـه = والحـر ماهـو حـر لاعــاش منـضـام
واللي جبـر لـي خاطـري مـع عزايـه = شوف الغريـب وشـوف خالـد وسطـام
وفهـد عـوض لامـعّ بأصـول القرايـه = ورامز وصافي وكلّ قـاري خبـرهـام
واللـي ينـاظـر مــادرى بالحكـايـه =أقـول لـه أهـلاً هـلا يا بـن الأعـمـام
أكتب قصيدي غصـب وأظهـر غلايـه = وأكتب قصيدي فوق قطعه مـن الخـام
وفـي آخـر أبياتـي وهــذا رجـايـه = أرجوا السماح إن زدت في حرفي إجرام


كلمات / انور مقبول البدري

..........................................................................................................................


رد شاعرنا وأستاذنا / أبو سامي البدري ( الغريب )



قريت لك يانور حـروفٍ روايـه = مع واحداً تغليه لك عشرة أعوام
وتقول في قصتك هذي البدايـه =وشلون تال المعرفه يابن الاكرام
وانا باقول لمـن قسابـك كفايـه = ماعـاد نسمـح للقرابـه بينظـام
ابشر وانا حاضر ومعيـه عصايـه = نجيب خلك .. شغلنا حام في حـام
حدد سكن من كان للزين آيـه = نبي نجيبه لو وراء سـور الاروام
وان كان موضوعك مجرد دعايه = ذكرت مافي داخلي ناسيه عـام
الصاحب اللي مامشـى بالوشايـه = حاميه ربي من سواليف الأقـزام
من غاب عني ماعرف وش بلايـه = مريض مدري صايراً فيني أفْصام
ماعاد اداني قربتـي وقصرايـة = كني غريبٍ عايشٍ بين الاكـوام
من سبة اللي خدها كـل مرايـه = جسمي نشف ماغير جلدٍ على عظام
شوفه علاج لكل مـن فيـه سايـه = يبريـه شوفـه لومحطـم تحطـام
هي غاية المطلوب وأيضاً منايـه = لكن صعيب انحصله لـو بالاحـلام
لاشك ابا اتعب كود يحصل غلايه = ورجواي باللي يفرج لكل من ظام
وقالوا قديم لكـل شـيءٍ نهايـه = وانا أتمنى الخير في عام قـدام
وياالله طلبتك وانت تعرف خفايه = تختم لنا في خيرفي شهر الاصيام



وصح الله لسانك يأبو سامي ولاعدمناك يالذيب

[أنور البدري @]

نطقت بأسم الله من بعد الأخلاص = من شان يترك عنه كثر المياصه
بالصاد نصطاده كما صيد قناص = وأن لاص عنّا مالّ حظه ملاصه
غواص جاب الدرّ يوم البحر غاص = وماجابه الأ هو من أهل إختصاصه
مانيب شاعر وأشرب القاف بقلاص = وعندي حصانة درع ضد الرصاصه
زرعت له حرف وقطفته له أنجاص = مخصوص لأجله غير كرسي وماصه
معاي رقم الجن في هاتفي الخاص = جن الحروف اللي يجيب الخلاصه
وقت الرخى يعزف على نغمة الآص = ووقت الصحيح العجز يطْرب بآصه
ياطير ماطير السعد وسط الأقفاص = وحبّك المعاني ما يبي له إقصاصه
و اللي حياته بين قوسين وأقراص = آخر مطافه في نقاص ونقاصه
يا كابتن الرحله حجزنا بالأير باص =وليت الغضب يسهل عليه إمتصاصه
وأن كان يسأل شنصنا بين الأشناص = من فضل ربي ما يجيب النقاصه
جينا وحمل الشاص ماشاله الشاص =من شان يدري كيف نحكم قصاصه

[أنور البدري @]

نحمد الله على سلامة ولي العهد الأمير سلطان بن عبدالعزيز آل سعود وهذه المتواضعه بمناسبة عودته لنا سالم معافى ولله الحمد




سلطان يا سلطان .. ربك طلبناه = يحفظ سموك للقلوب النظيفه
أطلب عروق القلب واللي تمناه = من دم حبر ٍ مع مشاعر رهيفه
كم خافي ٍ يخفى لي أقصاه وأدناه = وحركت جيش ٍ في جناح ورفيفه
يمناك خير و كم يتيم ٍ تبناه = ويسراك نار ٍ للعيون الكفيفه
اللي سبههم كم شهيد ٍ فقدناه = أهل الظلال أهل العقول الخفيفه
الخير بأسمك من ولدنا عرفناه = وفي ظل أبو متعب أمام وخليفه
والنائب الثاني سمعنا وأطعناه = لو هو دعى للموت مافيه خيفه
حد الوطن وأمن الوطن ما فقدناه = والنصر لرجال العلوم الشريفه
(حنا وطنا ) بدمع عين ٍ بكيناه = بأحساس من شمخ الجبال المنيفه

[أنور البدري @]

حصيده غير صدقني وفيها مسجد الحراث = حصيده كل مافيها يذكرني بداياتي
حصيده مابها فتنه ولافيها نفوس اخباث = حصيده تسري بدمي بروحاتي وجياتي
لها حقٍ علي أكتب وصاتي وأكتب الميراث = ولا أظلمها وأبلغها بأشواقي وتحياتي
مزارعها من الزيتون والجرجير والكراث = غير التين والرمان هات وهات أو هاتي
أسوق الفكر من شأنك عليه محرك النفاث = وأعبر كيف ما ترغب وذلك حسب عاداتي
فوق الأرض تحت الأرض نهايتنا بها أجداث = حقيقه والقلم يذرف بدمعه قبل دمعاتي
كأس العمر ياغافل بدون أسنان ينطق كاث = فكر وأصخر بفكرك قبل مالموت لك ياتي


ويضرب الحب شووووو بيزل يالربع وهاي الحاره ولا بلاش

[أنور البدري @]

يا مدّي السنه و يا مصلي الفرض = صدر الشمالي زاد فيه الرحابه
أحسب حساب الكم بالطول والعرض = وأحسب حساب الذيب بين الذيابه
وأما يطيع الفكر والأ أفرضه فرض = و الحسد ما به غير حزن وكآبه
كوكب عطارد غيرعن كوكب الأرض = بالحجم والا النطق والا الكتابه
والدين نور العين يا راعي القرض = وحنا خلف خير السلف والصحابه

[أنور البدري @]

بنات فكر الراس جتلك مطانيخ = والله لأخلي الليل يا عبيد فله
شموخنا فوق الجبال الشواميخ = ماهو مغطى في غلاف المجله
دون لنا التاريخ ضمن التواريخ = بالسيف ماعشنا حيات المذله
قوافل الشجعان ما ردها الذيخ = كانه نبح ما زال باقي محله
ماهمنا قصف اليهودي صواريخ = نربط السان المعتدي لو يفله
عندي اكبار الجن طوعا ً مناويخ = بالذات لاجو دون دين ٍ ومله
الصوت يسمع بالاذان المصاميخ = مأ ذكر شكينا جور ضيم ٍ وذله
ماني مدور نفخ زيف و منافيخ = وأقطع لساني كان ينطق بزله
حكامنا من عيال وايل مصاليخ = لعيونهم سيف الشجاعه نسله
أشاجعه حنا و بن معجل الشيخ = لأجل الوطن طلاتنا خير طله






13 / 1 / 1431 هــ الأربعاء

[أنور البدري @]

يضيق صدري لا طرقته بطرقــا = ولا من طرت أهوال يوم القيامــــــه

وتضيق هالدنيا بلحظات فرقـــا = وأنا أخــــــاف الله وأخشى الملامـــه

أيقنت بأن المـــوت لا لاح برقــا = يخطف بصر أعمى ويجبر اعظـــامــه

في عين أسلــــــي خاطري وعين غرقا = وأندم على مافــات قبل النـدامـه

لحظات أجيب القاف لعيون زرقــــــــــا =ولحظات أفسرّها لعيــن اليمـامـه

يالذيب أرقى سنود أرقى ونرقــــــــــا = وأبشر بأخوتنا ( بلبس العـمـــامه)

[أنور البدري @]

الشعر يكفي لا تكلم بأحاسيس = والجوهر بمعناه والباقي أعفه
هات الدفوف وأرهجي يامراويس = كانه بعزة نفس يرجح بكفه
وإن كان مايشكي جيوبٍ مفاليس = لا والله الأ ضم صفي لصفه
لو نجمع القرطاس صارت قراطيس = بين الصدور ولا لقيت المرفه
ياوجد حالي وجد شايب وعريس = ماتو أخوياه ولا لقى من يزفه
بالله تكفى شه تعوذ من أبليس = والأ أنت مثلك يالمخفه مخفه
العقل عند الخلق عدة مقاييس = وأرداهم اللي ينطق النور طفه
في مسرحي ماجيت خلف الكواليس = وماجيت يمه دف وأنتع بدفه
أنا أشجعي بدري وعمامي بلاعيس = وخالي مهيوبي والخليفات صفه

[أنور البدري @]

ياطير كان الحرف شفته يجملك = أكفخ جناحينك وبين مواريك
وأكفل حضور اللي تعنى وتكفلك = ومن يكفلك غرّام ضدّ التهاليك
وأن شفت صيدك للجزيله يثقلك = الحرف حرفه غير حنكه وتكتيك
ياحرف كان المرجله من مراجلك = جاوب علام الوقت غير مباديك
منهو غوا فكرك علينا وضللك = قلي علامك ليه كثرت شكاويك
أذا جنون الخلق جالك وهرفلك = أضحك مع الدنيا ولوهي تبكيك
بعض الكلام اللي بلا فود ينجلك = وخطوه قبل خطوه تعثر خطاويك
كحل عيون اللي نظرهم يكحلك = وأعرف عدوينك وتلقى مراكيك
سلكٍ مع الأبره وأبره مع السلك = خيط بها لحافك على قد رجليك
وإذا تشوف (الليل ياليل ما أطولك) = حاسب ضميرك قبل تكثر بلاويك
وأصحك توسل للبشر في توسلك = ولغير رب الكون لا ترفع أيديك
بين الشمول وبين يشمل ويشملك = أوعك تجي للبيه وتقول يابيك
وأن كان همك مع صغيرٍ يدللك = لا ترخي ريالك على شان يغليك
مع حر شمس القيض ماهو مظللك = لو كان طبه يالشقاوي يداويك
ما ينفعك في علمك الأ معدلك = وقبل الوظيفه لا تحرى التباريك
ولا دقّ قلبك خل عقلك يجملك = وأن كان جاء طاري يجيبون طاريك
ما يرفعك يا رأس الأ فعايلك = وخوفك من الله قبل تطوى لياليك
ليت القدر مع عزة النفس يمهلك = ويفتح لك الأبواب غير الشبابيك
ومهما كلام الخلق جالك وبهدلك = أقضب لسانك لا تكثر حكاويك
وان كان حظك من عنا الوقت قعطلك = ماغير ربك من عذابك ينجيك