ديوان صفوق شامان المعجل

[المدير]

للقراءة فقط

يمنع التعقيب

[صفوق شامان المعجل]

رساله الوجد من الابن الى الجد
كل ليله احتريها لي تغير كل ليله =حالي الي ماتغير لو يصير العمر زايل

مابقى من هالليالي غير دمعي والفتيله =كل ماتظلم بعيني بالجروح اشعل فتايل

ماصفى غير الزهق والهم والذكرى الطويله=والشعر والقاف ليه والمعاني والمثايل

وش لقيت من السعاده اه يابن القبيله =كل ماسالني سؤالا عدني ماني بسايل

والصحيح اني مجرد واحد ماله دليله =واحد من خلق ربه لا لشي صار طايل

شبهرتبي كل عين حاسده جردا ذليله =واذ مرتني كل نفس مالها حتى فعايل

قلت اخر وقت هذا ذل به راع الطويله =كانه اللي مايعز شيوخ وعيال الحمايل

الهروج نبوت صبخا ماتفك من الفشيله =من غدت صــــدر المجالس ترتكي فيها السفايل

الزمن قطاع واهس حيل شلفاته قتيله =يشعم بنار الثبور ويطفي بنار الزحايل

والهداني لاتفاخر ماعليه من الرذيله =مايرده هافي اصله ماخشى قول الفشايل

اما انا عندي كلام ان كان مابرد مليله =وسط قلبي مايبرد حرها صافي الزلايل

صفحت التاريخ قشرا بس كلمتها جمـيله =لان فيها من الهوايل اهول من الي هوايل

اسال كحيلان عنها واسال سيوف صقيله =كم هفت فيها قبايل واطلعت فيها قبايل

كل مايؤدي صميل العلم اشرب من صميله =لين اغبق مقرص الفعل من سنم الرحايل

بس انا ليه معاها وقفت ن ماهي قليله =ليله فيها جـــــدودي سولفولي عن ذهايل

قالوا سمعنا و سولف للرذيل وللرذيله =لاتضايق ور فعلك لو زمانك صار مايل

قلت ياجــــــــدي عليل وروحي بوقتي عليله =صارت عيال الرخوم تزاحم عيال الاصايل

وقتنا ماهو بوقتك وقتنا يرزم هديله =خج قلبي بالطعون وخج عيني بالنكايل

قال والله ماهقيتك غير طلاب الجليله =والمهند والسبايا ماتجيب الا الجلايل

والعصنصـــــل لو يعمر مايطول الا مثيله =النخل بدري يطوله لاغدا للنوف نايل

والنفايل مادهلها غير جلاب النفيله =والنفيله ماجلبها غير دهال النفايل

والمعرب ماتهمه كلمه العفن الهزيله=ومايخاوي للشكايل غيرمن مثله شكايل

تغتنج له كل عنقا هايفه قد وكحيله =مايعسف بنت الشيوخ الا ولد شيخ الجمايل

كل ماتنادي يجيها قبل حتى تحتريله =لاجلها زنده فراش ولاجله تنقض جدايل

قلت يادحـــــــام وينك ليت للدنيا بديله =كان ابدلها بوقتك ماتخير به بدايل

والله اني غير اقود الخيل واخذها ذهيله =لين نمسي بالشعيب ونصبح بيضاء نثايل

قال تقدر تذبح اذبح قلت ياجدي ثقيله =قال تقدر تصبر اصبر قلت ماعندي صمايل

قال وين السيف عنك قلت بيدين نبيله=قال وين الخيل منك قلت تصهل لي صهايل

قال طيب لاتحير والكد الشقراء الاصيله=وطوح الصوت بجهاره وانخ وين عيال وايل

مشكلة وقت خذلني ان ماله بي حيله =كل ما طيحني انظر عز لجدودي واخايل

ثم افز من القهر واقوم لو رجلي زميله=واتنا خا عند حالي لاتكوبعك الرزايل

ياولد ما للنشامى باالوغى الا زغرتيله=عقبها التاريخ يشرح للبشركل الدلاايل

[صفوق شامان المعجل]

ياهيه بحر جاي ولا التفت غاد=ومنين ماوجهت جعلك توجه

القصد 00واضح مايبي شرح واسناد==لازم نسج القول لازم نسجه!!

ربك رماك بحلق رايق وقصاد==واكلتها مضبوط ياو00جه دجه!!

ياخي تراك ازعجتني وانثبر عاد==وسويت لي في وسط الاعمال صجه!!

شف غيث رغم انه على بز ومهاد==مالجته00 مثلك يابو صوت لجــــــه!!!

وان كان بك00 رجه من الحسد تنقاد== 0انا بي من الطيب مليون رجه!!

مجر ب الدنيا من بلاد لبلاد==ويحذر صفاة الوقت خبار عجه!!!

والدين مجد اللي من الناس عباد==وانا ارجي الله و انت غيره ترجه!!!

يطيب راسي 00لاسجد فوق سجاد==ولاعاد للدنيا على القلب فجه!

ثابت مع اهل0 الدين عايش باالاسعاد==ومثلك00 هماج ولو شربنا نمجه!!

وما حجنا خبلاً سفيه ن ونقاد= =واطلق شنب لويتحدى نحجه!!

والله ماجيلك والاسباب لي زاد== واعرف00 اليا من ضقت وين اتوجه!!

[صفوق شامان المعجل]

ينزف شعوري معاني دمّها صبري=واذا قضى نزف صبري تنزف دروبي


ماذقت موتي ولا كن ذايقٍ قبري=اللللللله يا له مــذاقٍ متّع ذنوبي


ماتت سنيني قبل ما ينولد عمري=لين انحصد كل حــلمٍ مورقٍ صوبي

حتى العصافير ملّت من غصن صدري=من يوم فاض الحنين وسالت جنوبي

مخيط الشعر ثوبي بس ما يدري=شلون لو يدري اللي خيطه ثوبي

ذنب الصراحه تناما في نخل عذري=وسقيت من نبع عيني حلوا مشروبي

يا توت حظي متى بك ينفطم فقري=وتهز همي الين يذوب عذروبي

ياما تفاصيل ليلي رضّعت فجري=حليب الاوهام لاجل تفجر اسلوبي

اعيوبي اني غدرت الذل من صغري=وان كان هذي عيوبي يسعد عيوبي

يمكن برا الجرح يمكنه نسى يبري=يمكن نسا انه ابد ما كان محبوبي

طشرتني للزمان ورحت يا كثري=وضبيت باقي فتاتي داخل جيوبي

دايم وانا امشي احس ان شي ما يجري=مقلوب انا صرت ولا الوقت مقلوبي

ذق هاك ياللي تبي تاكل ثمر شعري=مبطي شجر هالقوافي ما ثمر قلوبي

رطب هجيني على تفاح من صخري=وكمثر هلالي على رمان مسحوبي

وياللي تقولون بدري ما بقا بدري=اليوم ابا واجه هروبي مع هروبي

كان المراجل تعلي للرجل قدري=اللي نزل لا يقول لغيره ارقوبي

[سـطـام المعجل]

اسمح لي بنزال قصيدة حفل ملتقى الاشاجعة لحفظها للمتلقي


المقطع الاولى :


http://www.youtube.com/watch?v=MmdS8Nx8QNY


الثاني :

http://www.youtube.com/watch?v=W2k8-WwkscU

الثالث:

http://www.youtube.com/watch?v=q4IP9F908qk