ديوان رامز

[المدير]

((( درة الماس )))
متعلق(ن) لي في أمل يشبة اليأس = وبيني وبينة طاير الشوق حلق


دنيا العجايب جثة مالها راس = لا تتعب إحساسي وبي لا تملق


أصبروحسب أحساب للوقت والناس = والوقت طال وفارغ الصبر غلق


النمر مايضوي على بيوت الأبساس = لو مات من جوعه وحلقة تشلق


طلعت من غب البحر درة ألماس = يالي على جسر المعلق معلق


أبيات أوجهها لبخصي وحساس =‏ (‏ غيور) بحل المبهمات إيتألق

[رامز]

رد العضو غيور الحبلاني..

بسم الله الرحمن الرحيم


الاخ العزيز ((( رامــــــــــــــز )))

معرفة الرجال اللي مثلك وشرواك لاشك انها مكسب

وتبقى شهادتي فيك مجروحة


اخي العزيز اعرف انك رجل قوي و يتحمل مالا يطيقة البعض من الرجال (( ولاقصور بالجميع ))


ولطالما انك خصيني بقصيدتك (( درة ألماس )) التي أعادتني الى كتابة الابيات الشعرية بعد إنقطاع مدة من الزمن وجدت فيها العودة إلى القوافي ،،،،،...




سـلام ياللي علمكم يرفــع الــراس ،،،،،،، علـمٍ(ن) عَلَـمْ والنار فيــه أتعلـق .

أنا أشهد إنك يابن الأجواد جرناس ،،،،،،، وتكرم لحاكم من الردي والملقلق .

وترى الأمل ياصاحبي يغلب الياس ,,,,,,, وللوكـر يرجع كل طيـرٍ(ن) تحلـق .

والصبر مفتاحٍ(ن) مع قـوة الباس ,,,,,,, يفتـح معـه كـل بـاب أصبـح مغـلق .

(وطلال) درة غيرعن جملة الناس ،،،،،،، اللـي علـى جسـر الأمل لـك تعلـق .

زمان عايش به كـذوب(ن) وبلاس ،،،،،،، وأهـل المراجـل حضهـم مـا تألـق .

[رامز]

القصيده للاخ محمد بن مفضي العلاوي موجهه الى الشاعر رامـز


................

رامز ترى محمد ماشـن على مـاش..راحـت حـياتـه كلـبـوهـا بـلاشـي


نارن تبي تلهب ضميره مع الجـاش..كنه سقيـم الحـال وسـط الفراشـي


كنه صغيرن قرقشو لـه بقرقـاش..وأمه ورى الجامـه بغرفـة نعاشـي


ثم دنـو العـده مقصـن ومنقـاش..ولبسـوه الأكمـه ســوات الـبـواشـي


وأمه من العبرات صايبهـا خـراش..تطلب عظيـم الشـان رب المناشـي


يشفي ضناها من بلا كـل هشـاش..هشاشن يهش جسم الهشيش الهشاشـي


ثم صاحت السستر بدا ضغطه إيلاش..هاتـو لـه الكمـام ويـا الغـراشـي


دكتورهم ضايق ومجهـد ومهتـاش..والـورع زادت رعشتـه برتعاشـي


وغطوه في شبرين من قطعة قماش..وآخر حياته وسـط قطعـة قماشـي


وأمه تشوف الوضع بعيونها كـاش..كاشن من الأقـدار ماهـوب كاشـي


على الذي حبه بين الأضلاع نتـاش..غديت أنا عقبه طـاش ومطاشـي..!

[رامز]

رد على الشاعر محمد مفضي العلاوي..



((( شيك وكلاش)))




لابــاس يــابــاد (ن) قـــافــه علــى آش = عســرتنــي بالقــاف وأدميـت جاشـي

........................

لكــن ولايهــمك ويقــمح مــن أنحــاش = يجـيك ردي مــن (درر) جــم طاــشي

........................
وعاشت أيامك ياابو مفـضي ولاعـاش = رجل ماهومثلك علـى الطــيب ناشـي

.........................

حفــيــد رجـــــل باالــملــمات يهتـــــاش = ألـيا حـل يـوم (ن) مـامـثله مهاشـي

.........................


أبـــــو فهــد وليـــاغدى الدفـع بالكــاش = ياقـف بوجــه العــايــل ولايخــاشــي

.........................

جهزت ( الروز ) وبئيمني شيك وكلاش = وألي تقــوله يافــتى الجـود ماشــي

.........................


منــصاه لديـار (ن) على حــفة الطــاش = دار(ن) بهــا تسـكن وفيها المعاشي

.........................


دار الصـباح الي بــها الــكل معـــــــتاش = دار(ن) بــها خلــك تربى وعــاشـي

.........................


رامــز

[رامز]

قصيدت الشاعر محمد مفضى العلاوي الى خواله..
خامس سنه يالـخـال والـقلـب مـشـتـاق..والـعين تسهر لين بـان الصبـاحي
..............
والقـلب صـوب ديركـم والشـوق منسـاق..واذا ذكـرت الـدار زاد النـياحـي
..............
ماغير إسلي هاجسي بحبر واوراق.. وأشكي هموم الشوق والسد باحي
..............
وأذكر ليالي بوسط جوفي والاعمـاق.. ياحلو ذكـرها على وجـد روحـي
..............
وصبري نـفـذ والصبر ماعاد ينطاق..لين أشتكي صبري وزود جراحـي
..............
وأنا كما المحبوس ومطوق أطواق.. حوله حرس جمهور معهم سلاحي
..............
وأصدر قرار الحـكم لسجـن يـنساق.. حـكمـه مابد ولا يفيد الصياحـي
..............
وقادوه يم السجن ودنياء بها ضاق.. يرجي فرج ربه غفور وسماحي
..............
على الذي حبهم بداخل القلب خفاق.. يخفق غلاهم في جميع النواحي
..............
وصـلاة ربـي عـدد مـا لاح براق.. على نـبـي ألـخلـق رسولي الفلاحـي
..............
محمد الاشجعي

[جايز]

رد الخال الى أبن اخته محمد مفضي العلاوي


(((الصبر ترياق)))



مـبدى القصـيده لـك سـلامــي والأـشـواق === سـلام (ن) أعـــذب من نسيم الصـباحي



يامـرحـبا وأهـلا وسهـلا مـن الأعـــــماق === تحــية (ن) عـــطــره اللــطير الــفلاحــي



فايض شذى أشواقي على بيـض الاوراق === يمـــك مـعنــيها لــــــدار الصـــباحـــــــي



لـي تـشتكي فرقـى منهـا خــاطـرك ضـــاق === ومــن ضـيقتك ضـقت وخفى السد باحي



ومـن مـاذكـرت الـلعــيني النـــوم مـــاراق === ومنـاهــل الحــيـلات صــارت شـــحاحـي



شوق (ن) شكيته محرق (ن) قلبي أحراق === وعــن شف بـالـي صــار صبري سلاحي



ألـيا هـام قـلبـي ونـــــتوى المـشي ينــعاق === يعــوقنــي قــيد (ن) مــقيــد صــراحـــــي



وأوصــيك (ياخـالي) تـرى الصــبر تـــرياق === كــم صــابر(ن) وصــل الهدف وستراحي



ولايحـقق أهـدافـــه عجــول (ن) ومحــراق === تاصــل مشــي القـصــــد كـــل المشاحــي



ولابـــد داجــــي اللـــيل يـمحـــاه الاشــــراق === ويــوم الحــزن يقـفــاه يــوم نشـــراحـــي

[رامز]

بسم الله الرحمن الرحيم

بمناسبت اللقاء مع والدنا العزيز والغالي /ابو قاسم...

نضمت هذه الابيات من القلب وهو قليل بحق هذا الرجل الكريم..

(((سوق المرجله)))

هيــض شــجوني مــاقريــته من علوم==على صفحت النت معلن ومنشور



من نادر المعنى على السطر منضوم==يروية رجل(ن)بالمراجل لة حضور



قــحــيـط(ابــو قاسم) قرم(ن)ماكر قروم==((ياذارب الذراب))الياجيت مقهور


عــلــية بـسـوق المرجله ياقف السوم==من ساومة يترك لة السوق مجبور


الــعــلم الـغـانـم مـطـلـبة دايـم الـدوم==بـطـيـب الـنـبا للـجار والضيف مذكور



عـريـب انــساب ونـاسـبـة خـيـرة الـقوم==حــكيم متعب ذايع الصيت مشهور



والـمــعذرة مـنـي لـكـم خـص وعـــمـــوم== أذا بــدا بالـقول هـنـات وقـصـور


..............................................................................................................................................

أنــا وشــبــالي لــك هــديــة ويــفــداك== مــن شـح يالغالي عليك انت بذات



الـلــه يـحــفظــك يــابــو قــاسم ويرعاك==ترفل بثياب العافيه والمسرات



((والعذر والسموحه قلنا الابيات على عجل..والعذر بالتاخير بالمرور عليكم))

..

[رامز]

رد على رساله الغالي عبدالرحمن شامان المعجل



(((الليل الطويل)))



سـاري الليل يسبح غبة البحر الاهول = من يشوفه يعرف أسمه قبل يستسيمه

........................................

طـول اللـيل يالمـعجل وأنا ليلي أطـول = الـمبـادى كـريـمه والكـريـمـه وسيـمه

........................................

قلت يمناك سيدي قالو ان سيدك أشول = مثـل ذاك الـعريف ألي عطاك القسيمه

........................................


رامــــز

...

[رامز]

(((الانفجار الكبير)))




ظـروف الزمـان أكـبر من الشعر والشعار = أنا كـيف أبـي أكـتب قـصة الحـزن وأنـشرها

..................................................


انـا خــايــــف أن الصــبر لاينــفجر وأنـهار = تـجي ثــورة الـــبركان فـي صــدر شـاعرهـا

..................................................


خــواطــر نـظيفــين الـضـماير لـها مــقدار = عـلى الحـــرام أني أحــترمـها وأقـــدرهـــــا

..................................................






رامــز

[رامز]

((( الو سام )))
...............

ياالحر الاشقر خابرينك

(( بااللازايم )) ملتزم ///


وأنت الوفى مدري على صدر

الوفى مثل الوسام ....

................

ماني بخايف دامني بك

ياسلاحي محتزم ///


فيك الشجاعة شيمتي وأنت

الذخيرة والحزام ....

..............

(والله) لذلل بك ظروف

الوقت حتى تنهزم ///



الحرب ماتطحن رحاها غير

من شان السلام ....




/ رامز /

[رامز]

(((أمـــل)))



كــيف اللمح وأقتل اليأس في روح الأمل = = الجواب صعيب والصـدق كـتمانة صعـيب

........................................

يامشاركـني وجـودك جـوابك فيـــه أمـل = = تدعي في نقص عـرفك وأنا أعرفك لبـيب

........................................

مـل صـبره صـابـر صـبت قـلبه يـا أمـل = = ليـن ضـاق بناظرة ظاهر الكـون الرهـيب

........................................

طـال وقتـتـه حـاير فـيك والـحـيـره أمـل = = كــل مايبـديلــك الـبـوح بسكـاته يغيــــب

........................................

الــحـياه أحـلام وأمـال عــذرا يـــا أمــل = = أنت في وقتك قرارك تصيب او ماتصيب

........................................

..

[رامز]

((`ذوق الشعر))


ألا يـالله يالـمحـيي المـميت المعـطي المنـان = تعـجـل بالـفـرج للـي شكـالك ضـايق بـالـه

........................................

تباريح الشقا روح القصايد والقصيد اوطان = علـشان الصـحيح يزين ذوق الشعـر وأمثاله

........................................

أهل التاريخ سمحين الوجيه وساسهم ويلان = عزيزين النفوس اهل الوفا والطيب ورجاله

........................................

أشـاجعه مشاجـعه حقـيقه بـالوغى شــجعان = يشــرفـني نـقا فـزعاتـهم الـياكبرت الـقالـــه

........................................

مــباديـهم كريـمه والـكرم بمـحمد الـفرحان = وعـميل الـسوء مـايشـفق علـيه ولايتـمادلــه

........................................

[رامز]

((( يـــارب)))


عــيال مشــجع عــزوتي تـقدي العــوج = عـــز الرفــيق وطيـبهم لـه مـكانـه

........................................

يـامركـب يــسري على صـافي المــوج = دانـه على صـبري وفي البحـر دانه

........................................

يـارب عــفوك يـــافــرج كــل مـــحروج = عــبدك دعـاك وعـلمك أعلم بـشأنه

........................................

مـصباح نــوري بـالأمـل فــيك مـسروج = أكـبر من حـداث الــزمن وامــتحانه

........................................


رامــز..

[رامز]

بسم الله الرحمن الرحيم..

أضع ابين ايديكم جيمـعا..

مقتطفات شعريه اضعها بين اركان ديواني الشعري متامل من الله العلي القدير ان تحوز على رضا الجميع..


ردود قصيره..

[رامز]

(((المعـذره)))


المعذرة ياطالب (ن)رقم جوال ==


عليك ماعزة ولكن لي



ظروف ..

.........‏ ‏

عندي عزيز حيل في كل الاحوال==



واخفيت شخصي عنك ماهو من



الخوف ..
............

لكن علي الوقت ياصاحبي مال ==




( أقر ) الحروف وكأنك بعينك


تشوف ..

[رامز]

كيف تفهمني وتفهم ويش أنا =


والصراحه من سمات المسلمين

........................................

أسبح مع الغيمه وتسبح في أنا =


قد رأيت كتاب زين العابدين

[رامز]

...............
وجدي وجود ألي حكم سور بغداد ===
أمست معة وخذت منه في
صباحه ..
............


واليوم من بين الروافض
والاكراد ===
مستيسرة مستعمرة
مستباحه ...

[رامز]

رد على العضوه شموخ انثى بقضيده

((( ساره)))..

لا تتـبع نفـسك ولا لك عوق = والنــــفــس بالــسوء أمـــــاره


...........


بالهون وماتـطرده ملحوق = أطــلب مــــــن الــحلــوه زيـاره


...........


واحذر خلك لا يـجي لسوق = وحــــاول دايــــــم إنـــه بــــداره


...........


وليسـمحتلك بلطــف وذوق = مــد أيــدك وقــطـف مـن ثــماره


...........


أحضن وليفك وفك الطـوق = وأرشف عسل من ثغر ســـــاره


...........


ترى العذارى لهـن طاروق = أثـــــــقل وتـجــــيـــك طــــــــياره

[رامز]

رد على موضوع الاخت زهرة البنفسج موضوع فندق اتلانتس


(((دبي)))



هنيكم يالي تروحون


لدبي ///

وأنا عن الروحة حدتني



ظروفي ..



.............

أكيد يحداني عن أمر السفر


شي ///

و إلا بربوع دبي متعت


شوفي ..

...........

شفتو مافيها من معالم


ومن غي ///

وأنا من الحسرة أفرك



كفوفي ..

............

خلوني أكتب مابدى لي


وانا حي ///


أرسم معاناتي ودون



حروفي ..

[رامز]

(( أهداء من لحظات الصمت ))


لا تعاتبني ولا تغضب علي ==
الكلام أ كبر من حروف النقاش..
............

قالو إنة مايصح إلا الصحيح ==
كل شي فية ثمن حتى البلاش..

[رامز]

(((الصريح))) ,,,

ما تستحق الذم يوجه الكرامه والمديح=


والله يقول الحسنه الواحده بعشر أمثالها...

...............................

رمزالصراحه هيئةالمعروف فرسان الصحيح ==

سمرالجباه أهل الدقون ألي كرام
سبالها ....

...............................

ماعندنا لك يالصريح إلا الصراحه

والصحيح ==
والكلمه ألي صادقه يسلم لنا من

قالها ...

...............................


(والأسد )له عذرنا كان هو منا
جريح ==

أهل الوفا مثل الجبال ألي رفيع
جالها ...

...............................


/ رامز /

[رامز]

((( العالم الهالك )))





أحاسيسي تناجت لك ولا دري

كيف أسو ي لك ==


مادام أشتاق لك . وأغليك

وأشقى منك .وأشقا لك ..

..............................

ضمى روحي عليك ومنك

والداعي دعاني لك ==


وتجرعت الرحيل المر في

بعدك وترحا لك ...

............................


أعاني وحشة غيابك وياطول

إنتظاري لك ==


أقاسي غربتي وحدي

وهوجس وأتحرا لك ...

..............................

تقاليد(ن)عقيمة لا تجيب

ولا تودي لك ==

سخافات العقول وما يظنة


العالم الها لك ...