العابر
06-28-2008, 07:02 AM
يابو طلال شفني مكلفـك تكليـف=يلزم عليك توصـل العلـم تأكيـد
عساك سالم من جميع الصواديـف=بلـغ سلامـي للرجـال الصناديـد
الشايب اللي لطف الجـو تلطيـف=يضحك حجاجة بالتراحيب ويزيـد
والشيخ أبو منور عديم التواصيـف=وحامـد وعبـدالله وكـل الاواليـد
وخص البدور اللي مساكنهم طريف=اكبارهـم وصغارهـم دون تحديـد
بيوتهم يلقى الكرامة بهـا الضيـف=ذبح الغنم مثل الضحايا على العيـد
ومجالساً يطرب لها راعي الكيـف=الهيـل هنـدي بالـدلال البغاديـد
ما حسبـو بلازمـه للمصاريـف=ونفوسهم علـى الشهامـة مواريـد
جدودهم ركبوا على الخيل بالسيـف=ياما يتمو بسيوفهـم راضـع الديـد
أشاجعة يوم السيـوف المراهيـف=مثل الحرار اليا تعلا علـى الصيـد
تاريخهم معروف من غير تعريـف=الله يشهـد والخـلايـق شواهـيـد
ياليت وقتي يتعدلى علـى الكيـف=بس التمني واكثر الهرج مـا يفيـد
قلوبنـا يـم النشـامـا موالـيـف=ياليت خط طريف ما هو سراميـد
عسى السحاب اللي مزونه مراديف=البرق ضافي والسما بـه رواعيـد
يسقي أديار اللي على جارهم ريـف=وخويهـم محـد لقـابـه مناقـيـد
سيله يجي ويذرف القـاع تذريـف=على ضواحي طريف دار الأجاويد
على الحماد يونس القلـب ويخيـف=من غربي الحرة إلى حزم الجلاميد
عشبه يجي مثل المشاريع بالصيف=وأهل القنص تلقى الحبارى ملابيـد
وصلات ربي عد رمل السفاسيـف=وعد الكروت اللي عليهـا مواعيـد
على الذي شرف على الناس تشريف=صفوت قريش مهدد الشرك تهديـد
أرجو من الأخوان الذين يعرفون هذه القصيده أن يجيبو على هذه التسائولات:
1. مناسبة هذه القصيدة مع ذكر صاحبها ؟
2. من هو أبو طلال الذي بديت فيه القصيده ؟
3. من هم الرجال الذين يجب على أبو طلال ايصال سلام الشاعرلهم ؟
4. ومن الشايب وأبو منوروحامد وعبدالله وجميع الأعلام في القصيده ؟
5. هل تم الرد عليها ؟
ملاحظه : يظهر لي من القصيدة مايلي:-
- الشاعر قالها وهو صادق لأنها خرجة من أعماقه 0
- يوجد بها صور بلاغيه عاليه في الوصف والشاعريه0
- فيها دعوات الى الله عز وجل أن ينزل المطر وأن يعم الخير .
عساك سالم من جميع الصواديـف=بلـغ سلامـي للرجـال الصناديـد
الشايب اللي لطف الجـو تلطيـف=يضحك حجاجة بالتراحيب ويزيـد
والشيخ أبو منور عديم التواصيـف=وحامـد وعبـدالله وكـل الاواليـد
وخص البدور اللي مساكنهم طريف=اكبارهـم وصغارهـم دون تحديـد
بيوتهم يلقى الكرامة بهـا الضيـف=ذبح الغنم مثل الضحايا على العيـد
ومجالساً يطرب لها راعي الكيـف=الهيـل هنـدي بالـدلال البغاديـد
ما حسبـو بلازمـه للمصاريـف=ونفوسهم علـى الشهامـة مواريـد
جدودهم ركبوا على الخيل بالسيـف=ياما يتمو بسيوفهـم راضـع الديـد
أشاجعة يوم السيـوف المراهيـف=مثل الحرار اليا تعلا علـى الصيـد
تاريخهم معروف من غير تعريـف=الله يشهـد والخـلايـق شواهـيـد
ياليت وقتي يتعدلى علـى الكيـف=بس التمني واكثر الهرج مـا يفيـد
قلوبنـا يـم النشـامـا موالـيـف=ياليت خط طريف ما هو سراميـد
عسى السحاب اللي مزونه مراديف=البرق ضافي والسما بـه رواعيـد
يسقي أديار اللي على جارهم ريـف=وخويهـم محـد لقـابـه مناقـيـد
سيله يجي ويذرف القـاع تذريـف=على ضواحي طريف دار الأجاويد
على الحماد يونس القلـب ويخيـف=من غربي الحرة إلى حزم الجلاميد
عشبه يجي مثل المشاريع بالصيف=وأهل القنص تلقى الحبارى ملابيـد
وصلات ربي عد رمل السفاسيـف=وعد الكروت اللي عليهـا مواعيـد
على الذي شرف على الناس تشريف=صفوت قريش مهدد الشرك تهديـد
أرجو من الأخوان الذين يعرفون هذه القصيده أن يجيبو على هذه التسائولات:
1. مناسبة هذه القصيدة مع ذكر صاحبها ؟
2. من هو أبو طلال الذي بديت فيه القصيده ؟
3. من هم الرجال الذين يجب على أبو طلال ايصال سلام الشاعرلهم ؟
4. ومن الشايب وأبو منوروحامد وعبدالله وجميع الأعلام في القصيده ؟
5. هل تم الرد عليها ؟
ملاحظه : يظهر لي من القصيدة مايلي:-
- الشاعر قالها وهو صادق لأنها خرجة من أعماقه 0
- يوجد بها صور بلاغيه عاليه في الوصف والشاعريه0
- فيها دعوات الى الله عز وجل أن ينزل المطر وأن يعم الخير .