°ˆ~*¤®§(*§*)§®¤*~ˆ°المساجله الشعريه°ˆ~*¤®§(*§*)§®¤*~ˆ°

[مـسـمـار]

°ˆ~*¤®§(*§*)§®¤*~ˆ°السلام عليكم ورحمة الله وبركاته°ˆ~*¤®§(*§*)§®¤*~ˆ°

اسعد الله جميع اوقاتكم بالخير والمسرات

موضوع حلوو ومعروف بجميع المنتديات لمحبي الشعر واختيار الابيات القويه بكلماتها ومعانيها

نقدر نسميها مسابقه او لعبه او مساجله المهم هو التفاعل معها

وماأتوقع تحتااج شرح من العنوان مفهومه بس للتوضيح

هي اني اكتب بيت شعر او بيتين ولامانع من الزياده الا خمس او ستة اذا صار فيهم معنى مترابط واللي بعدي يكتب بيت شعر يبتدأ بالحرف اللي ينتهي فيه بيت الشعر اللي اكتبه انا اووكيه ؟؟

انا اكتب


تعلمت ازيف ضحكتي والقلوب اسرار ..&&&.. على اني بخير بعين من يجهل احزاني



اللي بعدي حرف الياء

[صالح الرسلاني]

مشكور اخوي مسمار على الموضوع الجميل وارئع
وننتضر جديدك


يالله يالي ماتخيب دخيلك && يالي عبادك دايم تلتجيلك

[الرسلآني]

يعطيك العافيه اخوي مسمار فكره رائعه

وانا اقول

يابنت خليها ونا أشــــــــوم يابنـــت &&&غلطة جهل وبالحساب أعتبــرها

الي بعدي حرف الالف..

[صالح الرسلاني]

إسري كما يسري مع اليم تابوت&&&بعد المراسم وادعوه بشرااره !
أقرب أحبابه ولعو فيه بسكوت&&&والدمع غطى عيونهم في غزاره

[مـسـمـار]

انا وقلبي وروحي تمشي لمتابع خطاويك//وينك عني يسارق القلب والروح

والي بعده حرف (ح)

وكل الشكر موصول للي شاركو...

[صالح الرسلاني]

حمر السيوف مفندغين المعادين = بيض الوجوه اهل الفعول الجليله

هذا بيت من القصيده هذاي

لاصرت من وايل وربعي رسالين = والله رقيت العاليه والطويله

ربعي هلا الوقفات سقم المعادين = أهل السيوف المرهفه والصقيله

لاصاح صياح المنادى .. ملبين = وإليا رسينـا .. كالجبال الثقيله

وأنا خشاتي والخشاتي على الدين = نموت لـكن مانجيب الفشيله

واليا حضرنا فالمواقف سلاطين = وأدنى حدينا يرتكي للثقيله

وخوالي الدهامشه والله ونعمين = نعمين ..بس بذمتي ذي قليله

مليون .. لا والله تسعة ملايين = أسوقها لأهل الفعول الجزيله

عذال يوم ٍ جوه ربع الثلاثين = كثر العدد مافاد ذيك القبيله

دم النشاما في وصوف المغيرين = يكفيك عن ذكر اللقا والحصيله

وأذكر أبن عيده كعام المعادين = راس العماني يالرجوم الطويله

شيلي فعوله .. ماتشيله دواوين = بالحبر شالت مادرت وش اتشيله

يبطن .. ولامثله يجيبن نساوين = والله يبطن .. مايجيبن مثيله

واليا حضر ذكر الرجال الكريمين = وذكر الشجاعه والعلوم الأصيله

أنا أشهد أنتو يالجواسم شجيعين = روس الرجال .. مقدمين الجزيله

الطيب فيكم بأول الوقت والحين = لا يالذيابه .. متعبين الكحيله

رجالكم .. في ذمتي عن ثمانين = لا ولعت بالنار راس الفتيله

جواسم ٍ بالحرب .. منتم بسيطين = وعدوكم .. في ذمتي عزتيله

وأذكر هلا الوقفات .. والعسر واللين = أهل الفعول معدلت كل ميله

ربعي عجلان الرجال المسمين = بيض الوجوه اهل الوفى والجميله

الطيب نفسه لو قسمناه قسمين = حازوا على القسمين من غير عيله

وعندي على هالهرج ثبت وبراهين = و إلا الدليه .. مايبيله دليله

أما الشجاعه حطها بين قوسين = ( السيل مايدرج سوى في مسيله )

خيال وايل لا حضر فالميادين = تلقى عجاج الخيل لين المخيله

من هيبته وطى كبار السلاطين = والخيل يعرف مابوسط العديله

مايبرد زناده ولاراسه يلين = إلا بموت اللي يضد القبيله

يالله عسى قبره ورود وبساتين = وروحه بجنات الولي مع خليله

ومن عقبها ياهاجسي هات بيتين = وأقصد بمن هو شايلين الثقيله

حمر السيوف مفندغين المعادين = بيض الوجوه اهل الفعول الجليله

طيب وشجاعه كلها جات ثنتين = عند الشفيع .. كاسبين النفيله

وطبع الشجاعه من طباع الكريمين = ومداتهم وقت االلزم مي قليله

نارد حياض الموت وحنا عزيزين = ولانعيش بذل .. ونفس ٍ بخيله

هذي فعول مزبنين الضعيفين = قد صغتها بابيات شعر ٍ جزيله

وصلوا على المختار خير الثقالين = أعداد مامرت نسوم ٍ عليله