الرسلآني
08-17-2007, 11:13 AM
ضـــــــــــــــــاع الأمــــــــــــل ؟
علمي بها بأول سنـه تـدرس آداب
واليوم ما أدري وش نهاية خبرهـا
غابت ولكن طيفهـا مابعـد غـاب
تلوح لي في عزّ نومـي صورهـا
تلوح لي بالطيف في كل الأوجـاب
وعلى الأمل قاسيت شدة ضررهـا
أقاسي اللوعات والقلـب منصـاب
وأقفى ربيع الحال وأقبـل دهرهـا
ضاع الأمل بغياب صافيين الأحباب
وطول النوى والياس حالي دمرهـا
من لوعة الحرمان قلب العنـا ذاب
وأذوت غصون الشوق وأذبل زهرها
جفت مساقي نبع الأشواق بأسبـاب
جور الدهر وإفراق شمعـة بشرهـا
شمعة جميع الغيد تلعـات الأرقـاب
عمهوجـةٍ للقلـب يسبـي نظرهـا
شمس المحاسن والبها سحر الألباب
حبه رماني في غياهـب خطرهـا
حبه بنى بالقلب روضة ومحـراب
وياللأسف بالوصل مااحدٍ عمرهـا
عقب الوفا حل الجفا والرجا خـاب
وغرسـة هوانـا ماقطفنـا ثمرهـا
ذاب الحنان وزاد وجـدي ولاثـاب
ودنيـا التعاسـة ماتخلـي دورهـا
دنيا الهوى شف وطرب كل عجاب
ولولا النوى من رامهـا ماهجرهـا
لاشك فيها من صواديف الأسبـاب
وتعزف على قطع المواصل وترهـا
بين الورى جرح الهوى ماله أطباب
وسود الليالي تشقي اللـي سهرهـا
عبدالسلام الرسلاني
علمي بها بأول سنـه تـدرس آداب
واليوم ما أدري وش نهاية خبرهـا
غابت ولكن طيفهـا مابعـد غـاب
تلوح لي في عزّ نومـي صورهـا
تلوح لي بالطيف في كل الأوجـاب
وعلى الأمل قاسيت شدة ضررهـا
أقاسي اللوعات والقلـب منصـاب
وأقفى ربيع الحال وأقبـل دهرهـا
ضاع الأمل بغياب صافيين الأحباب
وطول النوى والياس حالي دمرهـا
من لوعة الحرمان قلب العنـا ذاب
وأذوت غصون الشوق وأذبل زهرها
جفت مساقي نبع الأشواق بأسبـاب
جور الدهر وإفراق شمعـة بشرهـا
شمعة جميع الغيد تلعـات الأرقـاب
عمهوجـةٍ للقلـب يسبـي نظرهـا
شمس المحاسن والبها سحر الألباب
حبه رماني في غياهـب خطرهـا
حبه بنى بالقلب روضة ومحـراب
وياللأسف بالوصل مااحدٍ عمرهـا
عقب الوفا حل الجفا والرجا خـاب
وغرسـة هوانـا ماقطفنـا ثمرهـا
ذاب الحنان وزاد وجـدي ولاثـاب
ودنيـا التعاسـة ماتخلـي دورهـا
دنيا الهوى شف وطرب كل عجاب
ولولا النوى من رامهـا ماهجرهـا
لاشك فيها من صواديف الأسبـاب
وتعزف على قطع المواصل وترهـا
بين الورى جرح الهوى ماله أطباب
وسود الليالي تشقي اللـي سهرهـا
عبدالسلام الرسلاني