مشيت من عندي تبي ترجع شوي ..

[مني خذوكـ]

أرجو أن تحوز على رظاكم هذه القصيده
..................................................

مشيت من عندي تبي ترجع شوي ..
................................. وشوي جر شوي / للحين ماجيت ..


جيش الثواني بغيبتك مجرمٍ بي ..
................................. مره يجيب دموع / مره توابيت ..


من غبت عن عيني وانا فاقد الضي ..
................................. لاعشت في راحه ولا اذكر تهنيت ..


ماغير افكر وامسح الدمع بيدي ..
................................. وابكي زمانٍ فات وانادهه ليت ..


وارجع واراجع عشرتي مابها شي ..
................................. ياكود وقفاتي معك يوم ما ازريت ..


وش له تجافيني وانا حاسبك خي ..
................................. واغلا من اخواني معي دوم بالبيت ..


وش له تقاطعني وانا كنت لك ري ..
................................. اضما ولا شفتك ابد يوم حنيت ..


ماكني الا بوش / قدامه عدي ..
................................. لاشفتني قدام عينك وصديت ..


ان كانها مليت قلي ترى هي ..
................................. وان كنت كارهني تراني تساويت ..


على الاقل تبرير ياسيدي لي ..
................................. وان ماحصل تبرير قلي تعافيت ..


مشيت من عندي وانا ناطر شوي ..
................................. وشوي جر شوي / طولت ماجيت !!

الشاعـر / فواز الفهيد ..

[الرسلآني]

الرائع اخوي مني خذوكـ

قصيده جميله وشاعرها اجمل

وصح اللسانك واللسان شاعرهاا

لا هنت طال عمرك

تقبل مروري

[مني خذوكـ]

مرورك عطر ورائع وجميل

كذلك اخوي عبدالسلام

ويعطيك الف عافيه على

الرد الجميل ..