ديوان الشاعر أبو ريان

[المدير]

للقراءة فقط

[أبو ريان]

فــــــل الحجـــاج

لاماطــــوانــي حــــب نورة ولا فــــتونولا
.................كـــل غـرو بنظــــرتــه يحتوينا

وماهمـــني زيــن(ن) على كل مــزيـون
.............. كـل البشر في نظرتــي مسـتوينا

همي سجين(ن) داخل السجن مسجـون
...............دونه أقفال وعسكــر(ن) واقفـينا

طــول النــهــار ولــيلــهم مــاينـــامـــون
.............. متـناوبين(ن) بــالعـمل كل حينا

وأذا طلــــع بقـــيود للـــي يحـكــمـــــون
.............. وبلســنهم يـــاخــف كـلمة سنينا

(أنــا تــرى قـلـــبي مــن الغـبن مطـعون
............... لـيه البـــــلاوي بــس للـطـيـبينا)

هــذا الــزمــن فــيه الـذيــابـه يهــانــون
.............. وقت(ن) مشى فينا يسار ويمينا

أطلب يابو مرغـل ترى العمـر مرهــون
.............للــي لفـعـل الطـيب هـم ســابقينا

لك الوعـــد والحـر بالـوعــد مــديــــون
............ منســاك مـــادامـي مع العايشينا

مانـي مــن الــلي للــرفيــق يـتـنـاسـون
............ يكـــرم جنابك شلة(ن) خايسيــنا

النـــاس تفـــــنى والأوادم يمـــوتــــون
............. وفـعـــولـهم تبـــقى وهـم ميتـينـا

ربـك عـتق من باطـن الحـوت ذاالنون
........... مــن بعــد مـاطــول ببطـنه سجـينا

فــل الحجاج وكـل صعـب يـبي يهــون
............. والشخص جوهر بالمواقف يبينا

يبــي يفـك البــاب عــن كـل مسجـــون
............ وتصــير ذكــرى جعلــكـم سالمينا

قــافي كتبته والـلـحن صـار محـــزون
...........أظهرت به شيء وشيء(ن) دفينا

وصــــلاة ربـــي عـــد ماهــلت مـزون
........... عـلـى الـرسـول وسـيد المرسلـينا

وســـــــــــــــــــلامتــكـــــــــــــــــــــم

[أبو ريان]

ســـــــــــــتة وصـــــايــــــا
أوصـــــيك يــــاريـــــان متعـــــشم فـــــيـك
.................. سـتة وصــــايا ياعســـى اللاش يفـداك
الأولــــــة بالــــدين ابــغــــي أبــــاديـــــــك
................. أحــــــرص عـــلــيه ولاتلــهـــيك دنيـاك
وأذا لـقـــــيت الـله فــــالــلـه لاقـــــــــيــــك
................. يلـقـــاك بـالدنــــيـا وبـالقــــــبر يلقــاك
والثانـــية فــي وصـــل الأرحــام أوصــيك
............ لاتهجـــر الأقـــــراب لو أيــش مـاجــــــــاك
وأدمــح زلـل منهــــو عـلــومه شـرابــيـك
............. مــــادامـها مابــــين شـــــاربك ولحــــــاك
والثالـــثة حــــذراك تقصـــــر هقـــاويــــك
............. والـطـــيبة أتــعـــب عليــــها مطـــايـــــاك
ومـــــد النظــر لايـقــــترن مــع مواطـــيك
..............ومــن كــان خلف سـهيل راعه بعينــــــاك
والرابــعة تر كـلــمة الحـــــق تنــجـــــــيك
............. أنـطــق بـــــها وأحـــذر تمــر وتعــــــــداك
لــــوهــي عــلى أقــــــرب قريــبٍ موالـــيك
.............. حتى ولــو تنصــب في صــالح اعـــــــداك
والخامسةأكسب حلال مادخل فيه تشكــيك
............ وجــنب حــرام المــال لــو أنــه أغـنــــــاك
والـلـــي قســـمه اللـه لابـــده يجـــــــــــــيك
............. وبــأرزاق غـــــيرك لاتكــــــثر حكـــايـــاك
والسادســة دنـــيــا العــــنـــا لاتشــقــــــيك
.......... وحــــذراك فيـــها ياصـل أدنـاك لأقصــــــــاك
فيـــــها تــرى مــــادام حكـــم الممـالـــــيك
............ ولاحــكـم صــــدام مــع حكــم الأتــــــــــراك
والـلــي أصـــابـك مــابـنـيــــته يخـــــطيك
........... واللي ماأصابك كان ناوي على أخطــــــــــاك
ســــتة وصـــايـــا ليــتهـا تجـــتمـع فـــيــك
............ ويــالله عـــسـى ربــي يحفـــظـك ويرعـــاك

وســـلامتــكـــم

[أبو ريان]

مــرثيــة أحمـــــد محـــمد البلـــعاسي(رحمه الله)



الــــحــــمـــــدلله يــــــاصــدوف الـــمقـــاديــــر
................وحــكــم الــقــدر لاصـــــار مـحـــــد(ن)يـــرده
يالله يـالــلــي بـالـسـمــاء تـــــرزق الــطــيــر
.................عـبــدك رجــــاك ولــــك رفــــع كــــف يـــــده
تـجــعــل قــبـــر أحــمـــد زهـــــور ونــواويـر
...................ولـــريــاض جـــنــاتــــك يـــارحــــمـــــن وده
وتـسـقــي ثــــراه مــن الــمــزون الـمـزابـيــر
...................ويالله لايـــقــــرب صــــــلا الـــنــــار خـــــده
عـلــى الـســراط أجـعــل دروبـــه تيـاســـــــيـر
..................وثــبــت أقــدامــه لاتــعــــــدى وعـــــــــــده
يــامــودع الـدنـيــا عــســى فــــالــك الـخــيــر
.................عــســـاك لــلـفــــردوس مـــــــــــن دون رده
بــحــدايــق وأعـــنــــاب وأيـــضـــاً قـــواريــر
....................وتــشـــرب مــن الـكوثــر وتــــــارد لـــعـــده
وتــنــعــم بــحـــور(ن) كــنــهــن الـغــنــاديــر
.................وجــواري(ن) فـــــي خــدمــتــك مـسـتــعــدة
تــحــت الـقـطـــــوف الـدانـيـــة والـعـصـافـــيـر
.................مـــع الــنــبــي تـــانــــس وتــســعــد بـحـده
هــــذا عــــــزاي لــوالــديــنـــك وتــصــبــيـــر
...................عـــمـر مـحـــدد وانــتــهــى الـيــــوم حـــــده
والـلــي كـتــب ربـــك لـــزوم أنـــه يـصـــــيــر
......................وكــــل الـبــشــر لـــــو تـجـتـمــع مــاتصـده
سـبـحـان مـــن خـــلا مـــع الـعـاــلـم يـســــيــر
.......................يــونــس بــعــد مـاعــاش بـالـحــوت مـــده
بــاق(ن) لــه مــن أيـــــام عـمــره مشـيـويـــــر
........................مـامــات لــو الـبـحــر أزدادجــــزره ومــــدة
والله يـــالــــوهــــي بـــالـذهــــب الـــدنـــانــيــر
.....................نــســوق مــال(ن) يـبــلش الــلــي يــعـــده
ولـــــو أنــهـــا بـالـشـلــف جــيــنــا طــوابــيــر
.........................عــدونــا لــزوم صـــــــــدره نـــــــقـــــــده
(مـنـهـاجـنــا) واضـــــــح ولافـــيـــه تـغــيــيــر
........................أن ماعـفـا بـالـشـرع يــقـــــام حـــــــــــده
حــســبــي عـــلـــى مــــــن زوده بـــالـتـدابـيــر
........................كـــدوا عـلى فـعـل الــــرديــــة مــــكـــــدة
أنا أشــــهد أن اللـــــي حرضــــه مــاهــو بخيـر
.......................لأنـه طـفــل والـقــتــل مـــاكـــان قـــصـــده
الــعـــمـــر يــمـــشـــي والــلــيــالـــي دواويــــر
............................ويصـيـرعـنـدي مـن أنــا كــنـــت عــنـــده
ونــعــرف مــــن يــدفـــع رســـــوم الـفـواتــيــر
........................واللـي يــتحــمل ديــــــــن لازم يــــســـــده
على شرف صــــارت صـــــدوف المقـــاديــــــــر
..........................وليـتـه شفـيـع لمن كـــوى الـحــزن كـبــده

وســـــــــــــلامتكم

[أبو ريان]

ثمــــــــــــان سنيــــــــــــــــــن

جتني تذكرني عقب غيبت سنين
.............. تقول تـذكـر يــوم كــنا وكــنا
كـنا مثل باقـة زهـور البساتيـن
.............. قـبل اللـيال الســود لايفــرقنا
قــلت اللـيالي مالها بيننـا شيــن
............... مــاقـربـنــا يـــوم ولا أبعــدنـا
صحيح كنتي لي عذاب المزايين
............. وأموت لامن شفت زولك تثنا
وغلاك عندي ماشيٍ بالشرايين
.............. وكنتــي مناي ليا بغـيت أتمنا
ولها السبب يابنت قمتي تغـلين
............ ظـنك كـــذا يزود شـوق المعنا
ماهي كذا يابنت وأنتي تخبرين
.......... كـلامـــي اللـي مثل حد الأسـنا
ماني بمن يتبع سراب المقفـين
.......... لــو العــيون الناعســات فـتننـا
بعـد ثمـان سنين جيتي تسالين
......... روحي قبـل ماتدري الناس عنا
أنتي سبب ماصارلاعاد ترجين
.......... قـلبي بعـد هــذا يعــود ويحــنا

وسلامــــتكم

[أبو ريان]

كفـــــــن وكــــــــــــلاش



يــــــامحمد مرغــل يــابن رشـــراش
...................... منك الحيــا واصل(ن) حده



الخــــــاطـــر عقـــبك أشــوفه مـــاش
.................... والنـــاس ماتــدري بســده



والعـيــــــــن ماتـهــتنــي بفــــــراش
.................. والـدمــع سكــاب لــه مــده





باســـباب رجل(ن) يبــي يعـتـــــاش
.................. قــاوم وغـــــدر البشــر هده





اللــــه لا يجـــــزى هــك الغشــــاش
.................عسى اللـهايــب علـى خــده





واللــــه يــالــوهــي بكـفـن وكــلاش
................... عــــدوك نلــعـن أبــو جـــده





لكــــن عـــزايـــه يــابــن رشـــــراش
..................... حــكم القدر محــد(ن) يرده




وســــــــــــلامتـــــكم

[أبو ريان]

هذه القصيدة مجاراة للقصيدة التي مطلعها....
المشكلة ماهي قضية فلسطين **** المشكلة لبنان راحت وراها
مع أني ما أعـــــــرف صاحب هذه القصيدة الجزلة التي يرددها الكبير والصغير


المشكله مـــاهــي قضــية فـلسطــين
.............. ووش عـاد لـو لبنان راحت وراهــــا

المشكلــة هــم بالعــرب مستخفـــين
.............. وغـايـاتهم محـد(ن) يحـــدد مداهــــا

وش ننتـظـر مـن عابديـن الصلـيبـين
.................يهـــود إسرائيـــل واللي معــــاهـــــا

أمريكـيـــا أم الفـــتن والشيــاطــــين
............. عسـى الولـي يقلب عليهـــاوطـــاهـــا

ماهــم على رب السمــاوات عسرين
............ يخسـف بهــم بعشـية(ن) وضحــاهـا

نصر صـــلاح الـديــن شــبل الميادين
.............. اللــي بسيفــه كــل ديــرة حمــــاهـــا

بعـــده بقــوا كـل العــرب مســتذلـين
........... ماحركـوا ساكن ولحد(ن) خشــــاهــــا

بشيء تشـــوف العــين ليه التخـامين
........... وأهـداف ابن صهيون محد يحصـاهـا

اللي يقول الغرب ناو(ن) على اثنــين
............. الأرض هــي والنفــط غـايـة منــاهــا

واللي يقول الغرب زين(ن) على زين
............. مقصــودهم بعض الديــار تحمــاهـــا

أصغـــر هدف كل العـرب والمسلمين
............. يردم عليهـــا ترابـــها مـع حصــاهـــا

هــذا هدفهم كــــان ماأنتم مساكــــين
............ ومسكين من فكــــــر يعيش بحمـاهــا

المشكلة هـــــذي ولاغيرهــــا شـــين
............ وحبيت أعـلـم مــن جهل محتـــواهــــا

[أبو ريان]

هذه القصيدة رداً على أخـــــوي هــــايل وأعلم اننا مهما كتبنا من قصائد يأتن من دون مستوى قصـائد الشاعر المتدفق هايل علي ....والله إني كتبت القصيدة في عجل ومن دون مراجعة لكي لاأتأخـــــر بردي .....وإليكــــم القصـــــــيدة


حي الكتاب اللي لفانا ضحـــوية
............... فيـه نظـــم(ن) للبيــوت الوافيــاتي
ياشــوق منهــي بالحـلا يوسفية
................عــز الله أنـك مــدرك الطــــايـــلاتي
قمت أحسب الأيام روحة وجـــية
..................خــوف يتــأخــر رد نــا يـاغــــنـاتي
علم النشـــاما دلــة(ن) شــاذليـة
..................غمــرتنــا بعلــومك النــايفـــاتـــــي
هـايل وهبـــك الله رب الـــــبريـة
............شعر(ن) علـق بلسان كـل الرواتـــي
مبــداك طيب فــال والنـار حــيـة
............مــالك شــبيــه إلاخلــيف الزنـــاتــــي
أنتم مثل لأهل الشرف والحمــية
...........جــدودكــم فـكــاكــــة المعضــــــلاتـي
بـــدور والله مــاتهــاب المنـيــة
............عــــدوكــم مــايهتنــي بـالمبـــــاتـــــي
بيوتكـــم مدهــال صبـح وعشية
..............والقهاوي بــالدلال مــزهبـــــاتـــــي
من يعـــتزي ببـدور لاواهنيــــه
.............كحــلا بدري بـالليــال القاسيــــاتـي
لأنتخت فيهم هنوف(ن) أشجعية
........... جوك قوم(ن)كنها ذياب الفـلاتـــــي
والله إني مارجـيت الشكر ليـــه
........... يابـن عمــر لاتــدور فــي جـــــزاتــي
الأشجعي يحسب عليك وعلـيه
........... دام السلـوم بدمنـــــــا مـاشيــاتــــــي
ياصاحبي ليــل العطش مهمهية
.............وأنا بقلــبي مثــل جمــر الغضــــاتــي
يابن عمر خـل الطعون مخبــية
................شف ربعــنـا أيـامهـم معـتمـــــاتـــــي
الحزن يطويهم ثمـــانين طــــية
...............وتطحـــنهم الأيــام طحن الرحـــاتــي
كل(ن) نثر من داخل العين مية
..............يدعي الفـــرج لاكبروا بالصــلاتـــــي
وأن عــودت ياصـــاحبي للحمية
...............عنــدي علــى الفزعـات عزم وثباتــي
ولمصالف العسرات بي مقدرية
...............ولا أسمع لحكي الحاسدة والوشـاتي
ماحســـبت حساب دوار الـردية
..................والأبـواب لقــولهــم امشـــرعـــاتــي
وختــامها عـــــد همــال برديــة
................. التــحـايــا لأبــن عمــر مـــدبـــلاتــي



وســــــــــــــــــلامتــــــــــــــــــــــــــ كــــــــــــــم
 مع ألف تحية وتقدير للشاعر هايل علي العمر،،،،،أخوك الشاعر/ أبو ريــــان على لسان والده

[أبو ريان]

هذه قصيدة أتتـــــني من شاعر وكانت رسالة عبر جوال فيها يشكي من بعض الهموم التي تكالبت عليه وهو شاعر كبير ولكنه من الشعراء الذين خلف الكواليس والذين لايحبون الظهور أمام الإعلام سواءً كان منقولا أو مرئياٌ ؛؛ حيث أنه طلب مني عدم ذكـر اسمه في حال نشر هذه القصيدة,, واليكم القصيدة


يالله يامفـــــــتح أبواب(ن) مغالــيق *** ياسامع(ن) ذا الــنون حــين المنـاداة

يامدبر(ن) بأمرك أمـــــــور المخاليق*** سبحــــــــان منهــو كـل خلقه ترجـاه

تفرج لعبد كـــــــل مامــر به ضيق *** هــــم (ن) يصدر به وهـــم(ن) تلقــــاه

وهم(ن) مقره صـار وسط المعاليق*** وهم(ن) مع عروقي على الدوم مجراه

وهـم يخلينـــي مع الناس مــاليق *** وهـــم(ن) تحــداني وأنا مـــاأقدر أقواه

ضعـــف العـــزيمة للــولد دايم يعيق***يخـيب ضــــنه ولايتـواصـل بممــــشاه

نطلب من المعـــبود زين التوافـــيق*** وحســن الختـــام بكــل حـزة مناجاة


رديت له بقصيدة تحاكي نفس الغرض الشعري


أن كـــان همــك يختـفـي يوم ويويق*** غيـرك همــومـه كــل وقتــه تحــــلاه

وأن كــــان همـــك ياولــد بالمعـاليق*** أنـا قلـيبـي واهـــج النـــار يصــــــلاه

هم(ن) رقابي فوق روس الشواهـيق*** وهم(ن) يمشيني على غير مشهاه

وأخـذت من روس النــوايف طـــواريق*** عســاي أفضـفض هم قلبي وبلـــواه

والحـــر مهـما صــار غيــر الغــرانــيق*** تبطـي ظروف الـوقت لاتـاصل أقصـاه

شــرواك يانسـل الكــرام المطـالــيق*** ولأنتـم من اللي يغيـر الـوقت مبـداه

خــل العــلوم الخــافيــة بالصنــــاديق*** وماكل حـظ (ن) يجلب اللــي تمنـاه

لكـن عسـى يفــرج الهــم والضـــيق*** ولاخاب عبد(ن) يــابو خـــالد ترجـــاه


وسلامـــــــــــــتكم واتمنـــــــى أن تنـــــال إعجابكم،،

[محمد مرغل]

قمة الاستمتاع يابوريان

لذه تنعم بها عين القارئ قبل فكره

لله درك وتقبل مروري

[أبو ريان]

قمة الاستمتاع يابوريان

لذه تنعم بها عين القارئ قبل فكره

لله درك وتقبل مروري

الله يسعدك ويسعد طلتك البهــــية
مرورك وســـام لي وإشراقة لصفحاتي
دمت بوووووود

[أبو ريان]

المقنــــــاص

ياناشد(ن) عن غيبتي والبطا وين
أنـــا هنا والقلـــب ظـــــل بمكانه


شرقي طريف وعند جابي خذ يمين
واد الــــرتم مخـيمــين(ن) وزانه


شوف الحزامى والنفل والرياحين
تجلـي عن القلب العــليل اعـلــلانه

بمقناص مع ليه شباب(ن) على الدين
مال للــــردي من بينـهم أي خــانه

ربع(ن) نشاما وبالمواقف وفيين
فيـهم تجمع خـــف نفـــــس ورزانه

يكرم جنبهم عن خطات الرديين
شربوا فعول الطيب شرب استكانه

تلقا مطاياهم جيوب وصوالين
وربع(ن) تهـــــول نزته وأفـــززانه

عقب العشا جمر الغضا له دخاخين
وشـوي الأرانـب ياحــــلو كيـــترانه

وفنجال كيف قننوا له بتقنين
وبريق شــــاي(ن) زايــد(ن) بخدرانه

ومع الفجر داروا حرار وشياهين
ويازين شــــوف الطـير عقب دورانه

ناس(ن) على صيد القرانيس ضارين
والحـــر لاشـافــــوه صــــيده ضمـانه

خمسة عشر يوم(ن) وبحساب يومين
منــــوة أســـير(ن) صار للحزن حانه

مدري هنا ولا أنا هناك ياحسين
مـــدري فـــلك فكــــري تغــير زمانه

[أبو ريان]

هذه القصيدة مهداه إلى أخي العزيز الحميدي دربك الأشجعي ،،
والله العظيم لو اكتب بهذا الرجل ألفية لا أوفيه حقه،،
فهنيئاً لنا (الأشاجعة) بهذا الرجل

أنــا أشهــــد أنـك يالحمـيدي ولـــيدة


الــــدين ماهــو أخــذ مبلغ من المال ***
وليـــــا قضــى لازمك ترجع تعــــيده

مبطــي وأنا أسمعــها تردد بالأمثـــال ***
أكـبر ديــون الحـــر ديــن الوعــــيدة

وأنا وعــــدني ولــد دربــك ولامــــال ***
حـر(ن) تسلسل من أحرار(ن) فريدة

مابك ردى حيـشــاك يانسل الأبطـــال ***
طيب(ن) مـــــورث من حفيد لحفـيده

يــالــوايـــلي بك نتبــاهى ونخـــــتـال ***
وبك نكسر المسيود وناصل لســــيدة

والله لـو ان الطــيب يوزن بمكيــــــال ***
مكيــــال طيبــك هالبــشر ماتــزيـــده

والله لــــوأن الطيب يشــرى بالأمــوال***
شخصك ملايــين الهــلل في رصيدة

لايابعد مــــن يلبس الجـــــوخ والشــال***
لايابعد...لايابعد قولي معي ياقصيدة

فزعت لــــي ياطــــيب الصيت والفـال***
وهاضت شجون(ن) مبطيات وجديدة

بقصيدت(ن) جــت لك بتقــدير وإجلال ***
وماأوفيــك حقـك يالــوا أكتب جـريدة

جملة وتغنـــي عن سواليف(ن) طوال ***
(أنــا أشهــــد أنـك يالحمـيدي ولـــيدة)

[أبو ريان]

هذه القصيده مهداه إلى خالد شريده البلعاسي ( أبو قاسم) والله يقدرنا على رد الجميل

ســـلام ياللـي خــوته مـــابها عـــــوق
يــامـســـندي يابـعــد كل الرفـــــاقــة

طـــاريك مايـــنزل أبـــد دايمــاً فــــوق
وخـــوتــك مــافيــها شــبوح ولبـــاقة

هداج تيما سـايق الطــيب هـو ســـوق
دايـــم على الجـــزلات يثنـي شقـــاقه

طيبك غمــرني ومدمعي داخل المــوق
يجعــلك ذخـر وفخـر عـــز الصداقــه

بو قــاسم الزيــزوم بالمــجد له شــوق
شوق الرضيع اللي فقد نصف ساقه

من طيب فعــله يشبع الطـير والنـــوق
لامـــن ذبح يذبح جـــزيـــلة نيـــاقه

راعي الكـرم والطــيب ياأعـز مخــلوق
المجــد ياخــذ من فعــولك شفــــاقة

أنخاك يافخــر عنـــزة تطــلق ســــبوق
أيــامنــا شحـــت وتحـــتاج طــاقـــة

أنخاك تفرج هم(ن) من سنين مغــلوق
ونسعــــد مـع كـل الأهـل والرفــاقـة

الله يــديمـــك للـــثقيـــلات ســــابـــوق
لامـن نـويت تقــدر بكيـف وطـلاقــة

قـبـل أمس حالي حال والثـوب مشقــوق
وبيت الشعر طايح ومطـوي رواقــه

واليوم من فضل الله ترى الحال في شوق
من فضــلــكم هالحـال زاد اشتــياقــه

بنــيت في عــالي الطـويلــة لنــا طــــوق
وشيــدت بنـــيانه وســويـــت بــاقــه

وكحـــلت عيــن(ن) تفقـد أعــز مخـــلوق
واشعلت شمع الوصل عقب انحـراقـه

مــاقـول غيــر الله يســـترك مــن فــــوق
طبـع الـوفـاء فيــكم وأيــضاً أخــلاقــه


الشاعر : مشعل جدعان الشمري

[أبو ريان]

{هذه القصيدة رد على قصيدة الشاعر: مشعل جدعان الشمري... بيض الله وجهه وماعليه زود}

حيـيــت يــاقــافٍ لـفـــا يبـــدي الشـــوق
بأبيــــات شـعــــرٍ كنــهــا زهــــور بـــاقـة

ياهـاجـسي سـق القـــوافي لهـــم ســــوق
وهتـــان شعـــــــري لاتضيــــّق نطــــاقه

يالقــرم أبـو سلــطان ياأعــز مخـــلــوق
وصـــل ســــلام لــكــل هــــاك الرفــاقـــة

يالشمـــري عســاك ماتشــكي العـــــوق
وعســى حيـــاتــك كـــل أبــوهـــا رواقـــة

ســـــلام لــك مـنّـي مثـنـــى ومطبــــــوق
سلام(ن) أحــلا مــن العســل فــي مـذاقـه

ياشوق من يمشي على الأرض برفـــوق
الصـــاحب اللـــي شوفـــتي لـــه ســراقــة

خــذ الــكلام اللـــي مــوكــد ومــاثـــوق
أنســـابــكم يالـقــرم صيــــت وعــراقـــــة

مثـــل النـــخل هــامـاتــكم دايــماً فــوق
مثـــل أرتفـــاعـــة وهيـبتـــه وانبــسـاقـــة

فــزعــاتكـم مثل الوشــم دوم مــدقـــوق
وشـرواك دايــــم ساعـــيٍ ب أنــدقــاقــــه

أبشــر بعــزك فعـــل وأقــوالٍ صـــدوق
والعــود الأزرق عــود لــولا أحتــراقــــه

أقسـمــت باللــي عــاليٍ بالســـماء فــوق
إنــي فــلا أذخــــر عنــكم أيّــات طـاقــــة

إن كــان ربـــك حــط بأيــامنــا وفـــوق
وجــانــا صبـــاحٍ منــورٍ بأنــشـراقــــــــه

يبي يفــك البــاب لو كــــان مغـلـــــوق
لوهــو بعــد تعــب وجهـاد ورهــاقـــــــه

ويـرتــاح قلــبٍ زاد بهــيامــه الشــــوق
مع العــــرب بيــن الأهــل والرفـاقـــــــة

{الشاعر: عبدالله خالد البلعاسي..... }

[أبو ريان]

الحب ماهــو لغز

روحي ولا تقولي السبايب مقادير && أنتي سبب ماصار لا تنــكريـــــــنه

الحب ماهــو لغز يحتاج تفكـــــير && شــــيء بقـــلبي لازم تعــرفيــــــنه

علمتني بالحب أحلــى التعابــيــر && وقلبي يحبــــــك كثــر ماتعــــذبينـه

يبي يجـــي لك يــوم مافيه تبريــر&&وكاس(ن) شربته لازم(ن) تشربيــنه

حظــي لعــب بـي ماتفيد المعاذيــر&&وأبســـألك يابنت مبـــداك وينــــــــه

ربحــان من يؤ مـــن بفعل المقادير&& وخســـران شخص ماتمسك بدينــه

يــاعين نامي وابشــري بالغناديـــر && وتلقيـن مـن نحتار في وصف زينه

هذي النهـــايه جعـــل دربـك تياسير && روحـــي لمنـــهو بالنهايـة تبينــه

لكـــن عســى تصريف ربي لنا خــير&& واللي جلس للدين يشيل دينــــــه
من نزف قلمي؛؛؛؛؛ عبدالله خالد البلعاسي

[أبو ريان]

غصنك ليا هب الهوا به طـراوه


حلـوة ولا يحتــاج زايــد حــلاوه
يكفيك من معنى الحلا ربع مافيك

زين العرب عادي وزينك نقـاوه
سبحان رب يوم خلقك مســـويــك

أعطاك من زين الحظر والبداوه
تهتي بزينك والبـها صار مطـغـيك

غصنك ليا هب الهوا به طـراوه
والرجل تقصر عنك والنفس تبغيك

انـتي بعـيد عنك معنى القـسـاوه
يافــتـنة كـل الغـنج في تـثـــــنـيـــك

لولا اني أخشى تحسبيها عداوه
لافرح بحبسك عن عــيون تراعيك

أنا بـلا شـوفــك حـيــاتـي شـقاوه
والقى الفرح من كلمة بين أشافيك

من نزف قلمي
،
،
عبدالله خالد البلعاسي

[أبو ريان]

هذه القصيدة في حفل قبيلة الأشاجعة
بحضور شيوخ ووجهاء القبائل من داخل مدينة طريف وخارجها
والمقام بمهرجان الصقور لعام 1433هــ..

يا مهرجان الطير هيهات هيهات

اللــيلة أختـــرنا جزيل العبارات
جـبـنا العــقــود الــنــادرات الفرايد

بنات فكر الراس عندي رهيـــات
حتى ولــو شحــت حروف القصايد

مساكم الله بالــفرح والمســـرات
يـا مـدلهــين البـال وقت الشــدايـد

من أقصى جنوب المملكة للقريات
الأشجعي يخــتال عــــز ومـــجــايد

يقودها المعجل زبـــــون الونيـات
اللــي يشــيل الحـمل لـو كان كــايد

رجل(ن) تعلى فوق روس الطويلات
به نتفــاخـــر عــند كــل الــبدايــد

سلطان ناصر وأكتفي بالأشارات
لا واهنيه بالسعـــد والسنـايــد

من عقب ماأمه تنثر الدمع عبرات
تقــلـدته اليـــوم مثــل القــلايــــد

الجـــمع عـــزة والتفـــرق إبــادات
والطــق يفخت في لحـــام الحـــدايد

يا مهرجان الطير هيهات هيهات
شف نـــار أهل طريف شبّت وقــايد

جينــا هنـا ماقــصـدنـــا احتـفـالات
جينا نهــد أحـرار خلـــف الطــرايد

حــنا بوطن مـاهـزهـزته الدعــايـات
ولا دنســوه أهـل الحيل والمكايد

ومــابدلـتـنـا العــولمـه والحـضــارات
مـادامــنا ننـعــم تحـت ظـل قايد

للعــز يــادار الكــــرم والــمــروات
دار السعـود اللـي بها الأمن سـايد

أهل السيوف الحدب وأهل البطولات
تاريخـــــهم يكـفــي بلـيا شهــايـد

ماجيت أدور من قصــيدي جمالات
ولالـي ورى نـظـم القصايد فــوايد

ولاجيت أدور شهـــرتي بالقنوات
خليــتها لمــــرددين النشـــايـــد

حق(ن) عليّ آقف هــنا من القريات
وأسكب من حروف القصيد الفرايد


كل عام وانتم بالهــــنــا والمسرات
ويا مهرجان طريف عساك عايد

وسلامتكم/عبدالله خالد البلعاسي

[أبو ريان]

هذه قصيدتي بحفل قبيلة الأشاجعة بمناسبة مهرجان طريف للصقور
وإلـــيــــكـــم القصــــــــــــــيدة...


http://www.youtube.com/watch?v=DpjpO1kOBgY (http://www.youtube.com/watch?v=DpjpO1kOBgY)