// صلوا علي وكلهـم فـي مأسـي //

[ہَ‘شٍمٍـٍـٍوخےوـٍـٍايـلٍـٍے ہَ‘]

السلام عليكم

جاني وانا في وسط ربعي وناسي=جاني نشلني مثل ماينشل النـاس

مني نشـل روح تشيـل المأسـي=تشكي من ايام الشقى تشكي الياس

اثر الالم في سكرة المـوت قاسـي=ماهالني مثله وانا انسان حسـاس

جابوا كفن ابيض مقاسـه مقاسـي=ولفوا به الجسم المحنط مع الراس

وشلوني اربع وبالنعش متواسـي=عليه ومغطى على جسمي البـاس

وصلوا علي وكلهـم فـي مأسـي=ربعي ومعهم ناس من كل الاجناس

ياكيف سوا عقبنـا تـاج راسـي=وامي الحبيبه وش سوى بها الياس

اسمع صدى صوت يهز الرواسـي=قولوا لهـا لاتلطـم الخـد يانـاس

قولوا لها حق وتجرعـت كاسـي=لاتحترق كل يبي يجـرع الكـاس

اصبحت في قبري ولابـه مواسـي=واسمع قريع نعولهم يوم تنـداس

من يوم قفوا حـل موثـق لباسـي=وعلى رد الروح صوت بالاجـراس

هيكل غريب وقـال ليـه التناسـي=صوته رهيب وخلفه اثنين حـراس

وقف وقال ان كنت يانمر ناسـي=هاذي هي اعملـك تقـدم بكـراس

ومن هول ماشفته وقف شعر راسي=وانهارت اعصابي ولا ارد الانفاس

ياليتنـي فكـرت قبـل انغماسـي=بالغفله الللـي منتهاهـا بالافـلاس

وفزيت من نومي على صوت ناسي=واصرخ واقول الموت واحذر الناس









صبحكم الله بكل خير وسعاده ورضا من رب رحيم كريم جل جلاله

بشروني ..

كيفكم حبايبي جميعآ طمنوني عنكم وعن أحوالكم ..

ارجو من الكل أعضاء وزوار ,,

ارجوكم أن تتوقفون عند كل بيت من هذه الابيات الوعظيه وارجو من الكل يتخيل ان هذه الابيات هو من قالها ويتخيل انه يتكلم عن ماسوف يواجه وماينتظره مهما طال به العمر..

ولم يبقى لي الا ان اخليكم مع هذه القصيده الوعظيه بالصوت

وربي يجزي شاعرها رحمه ‏الله / نمر السحيمي الحربي الفردوس الاعلى



هنا بصوت لا أعرفه صراحه ولكنّه مؤثر جدآ



http://sul9an.com/vb/uploaded/1_قصيدة وعظية.rm



وهنا بصوت المنشدين :-

أبو مهند - عبدالله الفريدي - محمد البريك



http://www.abo-mohannad.com/song/rm/qal-gaany.rm



ان شاء الله قريبآ لها تصميم ,,



دعواتكم لي رجيتكم جميعآ بأن ربي يوفقني لما نويت أن أعمله



يارب ترحمنا وتتوب علينا وتتقبلنا يآرب

[سبتي الخليفي]

مشكوووووور والله يعطيك الف عافيه

[شمس]

وعليكم السلام ورحمة الله وبركاته

أسعد الله أيامك بطاعته

قصيدة رائعة ..صح لسانك ولسان شاعرها الله يرحمه ويغفر له

الله يجزاك الجنة ويوفقك لكل خير


وقف وقال ان كنت يانمـر ناسـي = هاذي هي اعمالـك تقـدم بكـراس
ومن هول ماشفته وقف شعر راسي = وانهارت اعصابي ولا ارد الانفاس
ياليتنـي فكـرت قبـل انغماسـي = بالغفله الللي منتهاهـا بالافـلاس

يارب ترحمنا وتغفر لنا وتتوب علينا وجميع المسلمين

ملاحظة: الملفات الصوتية ماطلعت.

[احمد الاشجعي]

ياليتنـي فكـرت قبـل انغماسـي =بالغفله الللي منتهاهـا بالافـلاس


صح لسااان قايلها وجزاك الله خير ياشموخ

[صلاح الاشجعي]

مشكور ويعطيك العا فيه
والله لايحر منا جديدك

[ہَ‘شٍمٍـٍـٍوخےوـٍـٍايـلٍـٍے ہَ‘]

الله يجزاكم الجنه يارب

ولا اعدم التواجد والردود