(( ملح الرسالين ))

[الرسلآني]

.

.


مليت أساير دمعتي بين الاجفان
ـــــ ومليت أصبّر قلبي بقوول بعدين


كيلي طفح والشوق بالقلب نيران
ـــــ والمسأله,,, ماهي بحاجة براهين


لاتقولي سوف ولا أقولك كــان
ـــــ ولّم أغراضك..للحفر نمشي الحين


ماعاد فيني للصبر,, زود كتمان
ـــــ إشتقت إيه إشتقت ,, لأميرة الزين


أكذب عليك إن قلتلك بس ولـهان
ـــــ لا والله إلا ثار ,,,, شـوقي براكين


شاب القلم في دفـتـري ياسليمان
ـــــ من كثر ماترجمت .. صبري دواوين


عندك جسم والقلب مغمور الاشجان
ـــــ ودع خفوقي يم ,,, ( ملح الرسالين)


والروح إن مارحت أتبعه شفقان
ـــــ راحت وخلتني ,,, بليا عـنـاويـــن


لاتلومني ,, مابحت بالسر غلطان
ـــــ اللي بقلبي .. منقري داخل العيــن


حزني على الفرقا قتل داخلي إنسان
ـــــ وشوقي تعدى أخر حدود ... برلين


عذري أموت لشوفها ..بعض الاحيان
ـــــ تبي الصحيح لشوفها أموت كل حين


أحبها .. أحبها ,,, حــد الأدمـــــان
ـــــ ولو مالحياء ,, شقيت جيبي من البين


بــ كثر ماني بحبها عشت ضميان
ـــــ وبقد مايروووي .. غلاها الشرايين


لو كان به بالدين ,,, سادس للاركان
ـــــ لأقول .. ذي حبي لها سادس الدين


لا .. ماأبالغ بالــغلا ,,,, يـاسـليـمان
ـــــ هي وحده بعيني ,, وتســوى ملايين


وبقولك وأسمع ... ولاني بـندمـان
ـــــ أسمع ولو هرجي .. يــزّعل كثيرين


واللي خلقنا صحبة ً مثل الاخـوان
ـــــ لولا غــلاها ,, ماعشقت الرســـالين


للشآعر / محمد سند ربيع المطيري http://ashaj3ah.com/vb/images/icons/19.gif

[عبدالله العلاوي]

الله الله :)

اولا اهلن بعودتك يافارس المنتدى .

فديت طلعتك يالغالي

وصح السان الشاعر \محمد سند ربيع المطيري

[صقر البلاعيس]

مشكور

[صلاح الاشجعي]

مشكور قصيده رئعه
الله لا يحر منا جديدك
دمت بود

[الرسلآني]

يعطيكم العافيه على المرور

عبدالله ، تسلم ما تقصر يالغالي ..

..

حبيت اوضح ان القصيده كتبها محمد بوالدته ( الله يحفظها )

يعبر عن حبه لها ،

والدته من قبيلة العنزه من الرسالين ..

..

[سبتي الخليفي]

مشكور اخوي ودائمن ما تتحفنا بالقصايد الجميله
والله لايحر منا جديدك
دمت بود