قصيده الي الشاعر بصير الاشجعي

[سبتي الخليفي]

بسم الله الرحمن الرحيم


راكب اللي مركبه بوســــط الغمــاره
فوق جمس مايكل من المسيــــــري

يمشي صوب الازرق والغدف يساره
لاقضب الخــــــــــط يراوله يطيــري

يمشي الطبلـون ولايعرف الحــراره
والســــــواق متعلم منهو صغيـري

همّ على قلبي ســـــبب لي دمــــاره
كثر الانتظار يذبح ياعشيـــــــــــري

الحر لو هو فرخ يعرف بالاشـــــاره
والبغل لو قلت له (در, يعي) لايديري

شـــيب قـلبي شــيبه مثل المغــــاره
صندقه واطرافها لهن صــــريــــري

ناس تمشي بالردى تحسبها شطـاره
ولا الكـذب مكــــوم مـــع كل هيــري

افطن ترى الزرع يظهر من بـــذاره
واللي يزرع قمح مايحصد شــعيـري

حنا عيال البــدو ماحـــــنا حضــاره
نبوج البعيد والدرب العسـيـــــــري

نصبر صبر الزمل لاصـارت خساره
لاكترب حبـل الرشـــا فوق البعيـري

حنا نحمس البن ونتعب على بهـاره
وللنشامى دلة مثـــــــل الغـــديري

ماحـــافتها الخـادمه هي ويا ســاره
ولاصكينا الـــــباب دون المساييري

نبني بيوت الشعـــر بارض فقـــاره
نقلط الماجــــــود من خير كثيــري

نوجـــب الطيــب ونعــرف وقـــاره
ولا الردي دايما كل وقته حقيـــري

كـم غــلام بنا يعـــس الســــمـــاره
ياصلها لودونها سيف شــطـيـــري




الشاعر/ (بصير الاشجعي)

[اسد الاشاجعه]

صح لسانك ولسان الشاعر بصير البدري

[الغريب]

سلمت على النقل وصح لسان ابو ثاني

قصيدة رااائعه...

تحياااتي

[ابو عبد الرحمن البدري]

صح لسان الشاعر وشكراً على النقل

[صخر الاشجعي]

صح لسانك ولسان شاعرها

[صلاح الاشجعي]

مشكور على النقل
وصح لسا ن شا عر نا ابو ثا ني ما هي غريبه عليه