ديوان /مشاري بن فالح(هاجس الحرمان )

[المدير]

قراءة فقط

[مشاري بن فالح]

دحـّـة راعي أكـّحـلا ..

:
:

بـســم الله رب الأربـــاب
وبذكره كل شي(ن) طاب
والملعون ابّليس(ن) خاب
يوم انه عادانه بسيّه ..


:
:


البدري صايم ومّصلي
وبضيفه فرحان امّهلي
وطيره امفرع وامّعلي
بالمخلب جزل العطيّه ..


:

:

بن فالح شاعر من وايل
غير الجزله ماهوب قايل
شمالي .. واعقاله مايل
دحّوله ياهل الدحيّه ..

:

:

سكّنا مبطي بـ عراقي
بالعالي نجمي براقي
وللهيجا حنا نشتاقي
نشرب دمهم مثل المـيـّـه ..


:
:


لي ربّع(ن) سيف(ن) بتّار
ضد الـعــايـل تشعل نــار
باليمنى خذنــا ذي قـــار
فارسنا الواحد عن ميّه ..


:
:
ّ
راعي أكـّحـلا مثل الموت
مايمدي اتحضر تابوت
يرهب ضـدّه بخشن الصوت
ايثور أليـا تنخى ابـنـيــّــه ..

:
:


أليا انّتخت راعي اكّحلا
موت(ن) يشرف او فلا
لعيونها ريــــم الـفـــلا
مايرضى غـير المنـيـّه ..


:

:

الشاعر / مشاري بن فالح (هاجس الحرمان)
:
:

[مشاري بن فالح]

(( مخاوى قرنــاس ))

:
:
سلام ياتاج(ن) على عالي الراس
.... طوّعت بإسمك هالشّعر والهواجيس


فخر الرفيق وخوّتك عزّ .. نوماس
... يفداك ولد اللاش واهل الجواسيس


البارحه وان كان جوّك مهو نعاس
.. انا من سنين(ن) جفتني النواعيس


ونّيت من قلبي على الحان هوجاس
.... للّي ملك قلبي وكلّ الأحاسيس


كل ماطرا لي فالهوى بعض نسناس
..... دم القلم ماشاف كود القراطيس


الوهم دربك والحزن صار جلاّس
.... ونا لك الله كم همومي محابيس


لا ماطرا حزني على قوم عبّاس
..... حتى وربي ماانذكر بالقواميس


الله يعين الراس لاحدّر الفاس
..... قبلك سرى هاجس بليل الدواميس


بالعون هجره شيّبت شايب الراس
......وكل ماطرا لي قمت ألعنك ياابليس


وحرّمت مااخاوي سوى راع قرناس
...... اللي مثل حزني بليل العواميس


خوّة صفى ماهي ترى غشّ جسّاس
... يشهد علي ربي ولامن كواليس


فعلك ترى معروف لاقيل هوجاس
.. مهوب قولي ... هذا قول القرانيس


*****

الشاعر / مشاري بن فالح ( هاجس الحرمان )

:
:

[مشاري بن فالح]

(( المـخــاســـيـر ))


أقـول واكتب ماحسبنا المخاسير
.... طرق(ن) على المسحوب مابه خساره ..

:


شاعر عراقي .. والهويه منــاعـيـر
.... من ساس وايل يا فهـيم الأشـاره ..

:


أشـاجـعه لا صـار دم وشـخـاتـيــر
.... سيف(ن) مع الويلان كله صـطــاره ..

:


صيت(ن) يشرف بالسيوف البواتير
.... ولا عنـزنـا المـرجله بالشطاره ..

:


مير ارقـد بحالك ولا تـدمـح الغـيـر
.... ياهـيـه .. نشرب دمكم كـالزقـاره ..

:


بأسمي وانا مشاري وحولي طوابير
.... من لابــة الويلان جـتـك العـبـاره ...

:


قـد قـالـها حمدان شبل الــمغــاويـر
..... المطرفي يا جاهل(ن) في نــهـاره ..

:


لاصرت من قوم(ن) بهم سالم الزير
..... لك تاقف أكبار الــقبــايـل وقـاره ..

:
:

الشاعر / مشاري بن فالح ( هاجس الحرمان)
:
:

[مشاري بن فالح]

تدري بغيابك ؟؟
:

:

تدري بغيابك؟.. شوف ماتت حروفي
.................... وشمع المحبه انطفى داخل البيت

:


وشف قلبي اللي يحترق وسط جوفي
................. وهذي الأماكن خاليه بعد ماازريت

:


حتى القمر من عقبها في خسوفي
.................... يومه سمع بإنك عليّه تجافيت

:


تغيّر العالم وشانت ظروفي
............ ... حتى ظما قلبي من اسباب ياليت

:


واليا لمحتك مرّتن في طيوفي
............. تحيا مشاعر خافقي لو غدى ميت

:


لاتنوي الفرقى حبيبي وتعوفي
............. ... وانا الذي عنّك فـ لاني تخلّيت

:


الهجر غيّر من ملامح وصوفي
............... ويجف دمعي لو حضرت وتباكيت

:


دام انت حبري والورق هو نزوفي
.............. اسمك ترى منقوش ماعادله بيت

:


والوقت ياذا الوقت كان امخلوفي
.................. ماكان قطّع نبرتي بالتناهيت

:


الله يعين ان جيت خالي كفوفي
............. أخاف اموت وتوّك اليوم ماجيت

:
:

لـ مشاري بن فالح البدري ( هاجس الحرمان )

[مشاري بن فالح]

راعي اكـّـحـلا
*******

راعي اكـّحـلا حر(ن) ويشهد له الـبــاز
............................. حر(ن) كــفـخ مـايسّـبقه أي بـازي ,,

:

يخطف جـزيلات الـمهاريب بـ انـّجــــاز
.............................. ماهو دخيل الشعر ثم جاك غازي ,,

:

النــادر اللي يقـنـص الطّيب ممـتــــــاز
............................. رمز الكرم والجـود وكـــر ارّتــــزازي ,,

:

مخّلابــنــا مركــوز وأحذر يــا هـمـّــاز
.......................... وافـّـهـم ترى يـاشين حــال افـّـتـــزازي ,,

:

(بـدّري) انا يا هيـه من قـــــوم عــنــّـــاز
.......................... من لابـة الـويـــلان .. ساس اعـّـتــزازي ,,

:

حنـّـا هل الطـولات نحّرق كما القــاز
......................... أســأل بنــي سـعـدون واهـــل الــمخـــازي ,,

:

من رادنـــا بســيــّـــه .. وربي فلا فــاز
........................ للهيجــا مـســرى الخيــل ضــدّ المــغـازي ,,


:

مطـنـوخنـا لاثــار يكــّـتـب على اللاز
......................... من دمّــهم نيشــــان ( ذكــرى انتــهــازي) ,,

:

كـّسـرى صرخ (ويلاه) من صابه أعـّجـاز
......................... حزّنــا على ذي قــــار عـقـب أحـّـتجــازي ,,


:

الـبـدّري لامــن صــار للخـوّه عـكــّــــاز
......................... يسند وهو مرتـاح .. والحق فـــازي ,,


*****************************
الشــاعر : مشـاري بن فالح البلط البدري ( هاجس الحرمان)

1 /1 / 2010

[مشاري بن فالح]

خرز مسبـــاح
**********



وينك تعبت ارجوك ارجع و لاهنت = ملّ السهر ونجوم هالليل زاحت
كلي غديت افتوق لجلك انا عشت = عايش على ذكرى قديمه تلاحت
قلبي وفا يرويك واذكر كما قلت! = وينك تعال وشوف دنياي شاحت
قلبي غدى مذبوح من يوم غربت = عزاه ياشرقي ترى الشمس راحت
غيم الحزن هتان من يوم ماغبت = وايام فرحي في غيابك تناحت
كل مايمر طيفك عليّه وبيحت = ونـّــات من صدري لها الروح ناحت
كنـّـي يتيم ومابقى لي سوى انت = والناس عقبك في حلاله استباحت
حتى الهجوس ينوح من يوم دنقـت = وهمه ملى القرطاس وادموع ساحت
حالي كما المسباح يوم انت قاطعت! = عجزت تجميع الخرز يوم طاحت!
ياصاحبي وش بك لفرقاي عجـّلت = ليتك تشوف الروح وشلون صاحت
الله وكيلك مابقى غير ما مت = وفوق القبر خطوا مايوم استراحت
بس الوكاد اني ابعلن ..( تحطمت) = والله يجازي خطوتـك يوم راحت
[/quote]


الشاعر : مشاري بن فالح البلط ( هاجس الحرمان)

[أبو ريان]

صح لسانك

[مشاري بن فالح]

مجاهيــم الهجــوس
*********

هجوسي قوم لاترقد.. ابي جزل(ن) عليه اشهود = صهيل الفكره في راسي امانه لا تعاندها
قبل حالك اذا تذكر كما صلب الصخر جلمود = فقير القول والفكره تحت راسك مسندها
زمان اول هذاك اللي تحول لاتقول يعود = سرى خيلك مع كوح ٍ جزل قوله يعودها
انا ماني صغير السن ولاحتى بشايب عود = ولكن العقل شايب حكيم وعارف ٍ جدها
تحت غيم الفكر يصرخ شعر مايعرفه منقود = زلال الفكر لا همّل نبت منها قصايدها
اسير الصمت في جوفي واذا تصحى افك اقيود = واحررها المعاني اللي عجز منهو يجندها
انا هاجس وحرماني تعدى ولايعرف حدود = سكن ديرة بلاها الله ..عجز منهو مقيّدها
كـ أن اللي زرع حزني ومات ولاخذا المحصود = و تباشير الفرح ضاعت حياتي من يمجدها
مغير الشعر واعلومه وفعل ٍ طيب ٍ مشهود = عقب هذا .. جميع الناس ترى النسيان هددها
زمن ولـّى ولكنـّه رجع يظلم بنا وبزود = تحت حكم القدر عشنا قهر منهو ينكدها
قصد منهو رفيع الراس ولامنــّا احد مقصود = نسى انـّه يهين النااس بحجـّه ماتعمدها؟
كليم الله موسى لو بغى يطغي البلاد ايسود = ولكن عاهد اللي قال ... صدق منهو يعاهدها
تعلمنا الصبر حكمه وانا جودي من الماجود = مدام انـّـا تعلمنا يهاجس دلتـّـك زدها
بقهوي منهو ضامي الكيف فنجال(ن) وطيب العود = ومن يقدع جزيل الشعر ماظنـّه ينقدها
[/quote]

الشاعر : مشاري بن فالح البلط البدري ( هاجس الحرمان)

[بندر الاشجعي]

صح لسانك الله يعطيك العافية