زعيم الذئاب
10-26-2009, 02:58 PM
(قصص وقصائد الطير والمقناص مع صور لبرعنيزة)
--------------------------------------------------------------------------------
قصص وقصائد الطير والمقناص مع صور
http://www3.0zz0.com/2009/10/26/14/139438140.jpg (http://www.0zz0.com)
الطلح
شاعر المقناص الشاعر العذب حمد السعيد يناجي في هذه القصيدة شجرة الطلح علها تساعده في العثور على طيره الذي فقده اثناء المقناص ويتضح من خلال هذه المناجاة مدى الحب والعلاقة الوطيدة بين الصقار وطيره
يالطلح ما مرك مع الصبح صافي
طير غدالي امس والشمس حيـه
اتلا العهد به راح يطرد مقافـي
خابريبه اومى في جناحه هنيـه
لا والله إلا مرنا العصـر وافـي
كنـه غـلام مستغيـرن بهيـه
اقبل علينا ثـم اخـذ بإنحرافـي
يوم الحباري وقعـن لـه سويـه
يالطلح قلي عـل مابـه خلافـي
البارحـه بـرد وشمـال قويـه
كانه تعشا قلـت علـه عوافـي
والحي يجمعه الولي مع خويـه
لا والله ألا صاد خربٍ امتعافـي
واخذ عليه من الثنـادي شويـه
لا مفلسٍ مـره ولا قـال كافـي
يوم اخلفنه عـن عشـاه احقبيـه
خابره والله قاطـعٍ مـا يخافـي
دايم على الصيده تجيلـه حميـه
انشدك باللي منبتـك بالسوافـي
عساه في خيـرٍ ولا فيـه سيـه
خبري به اقرش في سبوقه خلافي
مابه بلا وامرح على هالحصيـه
والفجر شخّص بالنواظر وشافـي
طلعـه بعيـد ويمتـه ساحليـه
يالطلح ذا حبه ولاهـوب خافـي
متعـادلٍ حبـه بحـب البنـيـه
بعض الطيور ان راح قلنا عوافي
لاشك هـذا ويـن ابلقـى حليـه
اتعب عليه وعادة الحـر يافـي
اضرب سهلها والوعر والشغيـه
يجيبـه اللـي رازقٍ هلعجافـي
بهايمٍ تمشـي علـى غيـر نيـه
يالطلح لك مني يابو غصن ضافي
لا جابه الله وكـل نيـه مطيـه
لاجيك انا في موتر القش هافـي
واسقيك هاللـي باقـي بتانكيـه
واطى على رملة سوافيك حافـي
وكلٍ على ما قيل يذكـر خويـه
هدية السامر
الشاعر حمد السعيد لم يعثر على طيره وحزن كثيراً لفقدانه وكان كل مايتمناه هو أن يكون ذلك الطير في حالة طيبة وغير جائع ولم يؤثرفيه البرد فانتشرت قصيدة الطلح انتشارا واسعا وسمع بها الجميع ومن ضمنهم سمو الامير عبد العزيز بن سعود((السامر)) وهو من عشاق القنص ومن عشاق طيور الحرار فأحس بمعاناة حمد السعيد وحزنه العميق وهو يناجي شجرة الطلح وينشدها عن طيره فأهدى سموه للشاعر حمد السعيد طيرا من أطيب طيوره عوضا عن ما فقده فكان لابد ان يسجل هذا الموقف لسمو الامير عبد العزيز بن سعود فكانت هذه الابيات التي كتبها الشاعر حمد السعيد وهو يصف طيب سمو الامير عبد العزيز بن سعود مع وصفا دقيقا للصقر
حيث يقول http://www2.0zz0.com/2009/10/26/14/179157593.jpg (http://www.0zz0.com)
يالبازعي طيري طلع مثل راعيه
زولٍ وفعلٍ والمـواري تشابـه
بالطلع موقف ما لقي من يماريه
عساه يسلم سيـدي يـوم جابـه
له ماكرٍ في بر فارس محاريـه
كني اشوفه يوم خاطـوا قطابـه
صفاة وجهه مع شـدوده توديـه
ضمن الحرار ولا وراها طلابـه
النادر اللي يوم عزمـت اسميـه
سميته السامر واشوفـه زهابـه
ليـا قفيتـه شفـت دقٍ محنيـه
وليا نطحته من عيونـه تهابـه
كن الثريا في قواطـي مواميـه
ابيض نحر كنه يشع الضوا بـه
هجرٍ قصيرالساق جبره ثناديـه
وله عاتقٍ يعطي شموخ ومهابـه
ليا مسح وجهه ونهض مواطيـه
يطري علي اللي عزيـزٍ جنابـه
به من طبوعه مشبع اللي حواليه
وماخذ من طبوعه ليان بصلابـه
وجهه ليامن صاد يشبه محاليـه
لا بشر بضيفٍ وردد هـلا بـه
لا تل سبقه قلت يا طيـر لبيـه
واقفى وكني كاسبٍ بـه ثوابـه
وجاهن وهو كن المنايا تباريـه
زيزوم قـوم وفزعـوه القرابـه
اللي معه بالطلع ما عاد يمديـه
ياصل مطاليعه وهو ما درى به
من عادته برق الدواغر مداميـه
في صيدته الطير غمقٍ صوابـه
ليا ضرب ما وافق الضرب يفريه
كن بيمينه من سيوف الصحابـه
ينقى كبير العرف ما هو يخليـه
من خيشة قدمـه نهبهـا نهابـه
يا سعد عين اللي قنص عانيٍ فيه
طيرٍ وماخذ من طبـوع الذيابـه
لا صارت الدعوى عناد ومشاريه
إخذه وكنك ماخـذٍ معـك لابـه
الطير احبه حيل من حب راعيه
عبد العزيز اللي عزيـزٍ جنابـه
http://www12.0zz0.com/2009/10/26/14/481630235.jpg (http://www.0zz0.com)
الشيح
هذه قصيدة أخرى لشاعر المقناص حمد السعيد وهي بعنوان الشيح ، والشيح نبات ربيعي له رائحة زكية ينبت في السهول والفياض ويستعمل لعلاج بعض الأمراض ويشرب مع الشاي أو يشرب لوحده، وهاهو شاعرنا العذب يناجي هذه النبتة بأسلوب رائع وجميل في لحظات وداع عند نهاية فترة المقناص والعودة للديار
ماجيت منك وخاطري فيك يالشيـح
ما جيت منك الا وانا خالـصٍ منـك
طرت على قلبي طواري المراويـح
للديره اللي شوفها يعوضنـي عنـك
الله اكبـر كـن مالـك مسـاريـح
بفياضنـا ذي جـرتـك ذا تفنـنـك
ماكـن مريتـوا قنـوصٍ مصابيـح
من كثر صيدي عقب الامحال مسمنك
ودعت بـك ربـعٍ كـرامٍ مفاليـح
بعيونهـم عشـقٍ قديـم لمواطنـك
وانا دموعي مثـل دمـع التماسيـح
يا موطني يالله عسى الخير يسكنـك
يرزقني اللي منشي السحب والريـح
وبـلٍ يخلـي كـل روضٍ يجننـك
واللي قعدوا عندي عساهـم مرابيـح
فقعٍ وصيدٍ وانت يالعجل ما أرعنـك
يالشيح دوك ايدي شهـبٍ مجاريـح
من قو بـردك نشعلـك ثـم ندفنـك
ولالقيت بـك الدفـا وهبـة الريـح
كـم ليلـةٍ ازرت ظلوعـي تزبنـك
مثلك يبي رمثٍ وبيضٍ صحاصيـح
ياذا المسافـر تـو بينـت معدنـك
روح وباكـر لا لفيتـوا مشافـيـح
والله لادسس كل ما تشتهـي عنـك
يالشيح ما قصدي ملل يوم انا اصيح
يالشيح شوق لديرتي وانت ما ازينك
يطري علي (خالد)عقب وقفة الريـح
واهـل دمـعٍ لـو تحسـه يحزنـك
انا اتحضـن وهـم وافـز واطيـح
وانت السحاب وكل نجمه تحضنـك
ضيدان وطيره
الشاعر المعروف ضيدان بن منصور بن قضعان العجمي اشترى طير وكان اسمه عند صاحبه الأول دهام ثم أطلق عليه ضيدان اسما جديدا هو فواز لغرض شخصي وعندما أراد ان يعشي الطير ناداه بأسمه الجديد فواز فواز ....
فالتفت إليه الطير وقال
ضيدان أنا أسمي دهام ماهوب فواز
أما أدعني يـا دهـام ولا بلاشـي
ماهوب حق تغير أسمي بلا أرماز
وأنا عذاب الخرب لا أقبلت حاشي
لعيون بعض الناس سميـت فـواز
أسم يشابه لاسم صعـب المناشـي
اللي غلاه بثومـة القلـب حـزاز
تقبل له طعوني وتقفـي عطاشـي
ما أرضى تسميني عليها ولا جـاز
تغيير الإسـم إلا بذبـح الكباشـي
إذبح تميمه وأقلـب الإسـم فـواز
إذا ذبحت الكبش ما صار ماشـي
قلت فواز تكفى فكنـي بالتلعـواز
الحل عندي وأسمع العلـم كاشـي
لازم تشوف اللي لها القلب ينحـاز
عقبٍ تجـي فـواز ولا شلاشـي
يالله مشينا والعمر يبغـي إنجـاز
يا ما نجز بالهـدي ولا عراشـي
قم جهز اللـي ذاخرينـه وممتـاز
وعلي الطلاق إن عزبته من معاشي
وعنما وصلا إلى التي سمي الطير عليها شال ضيدان
البرقع عن الطير وقال له هذي اللي سميتك عليها فقال الطير
أنا أشهد إني يابن قضعـان فـواز
واني بعد فـواز جانـي خراشـي
يا حظ قلبك يوم فـي حبهـا حـاز
كحيلة مـا عاشـرة كـل لاشـي
يا ليتني رجلٍ لـو أمشـي بعكـاز
وأنخاك وأنخى مبعديـن المعاشـي
وأنهض لطيف الروح وأجلا لشيراز
وأقضي بقايا العمر ما أحتر جاشي
في شرع أبن حنبل بتأكيد ابن بـاز
معروف راعي الحب قلبه هشاشـي
وأنا لوصل ملـوع الشيـخ معتـاز
أعوز من فراق السبوق الرواشـي
أبـا أتمنـى والتمنـي بـه الغـاز
يا ليت جنحانـي لخلـك فراشـي
أو ليتني بيجر على الورك هـزاز
وألا قلم بيـن الجسـد والقماشـي
الطير والحبس
هذه سالفة لراعي طير اسمه عبود عنده طير وقد وضعه في شبك في وسط حوش البيت وعنده أطفال صغار دخلوا على الطير داخل الشبك وهو على وكره وكان برقعه مكشوف عنه لأنه كان وقت صيف وقرنسه وصاحبه خايف عليه من الحر فدخلوا عليه الأطفال وهرب عنهم الطير واصطدم بالشبك وجرح الطير فغضب عبود غضبا شديدا وبدأ بالصراخ على الأطفال وكاد أن يضربهم فأتى إليه أخيه الأصغر وهدأ من روعه وغضبه وقال له يجب عليك أن تحافظ على هذا الطير أو سأقوم بإطلاق سراحه فغضب عبود على أخيه وخرج الأصغر وفي الليل أتى إليه حاملا هذه الأبيات
الطير يا عبود يشكي من الحبـس
ابـوك حـده ساعتيـن ويمـلـه
هاذي ثلاث اسنين ما عانق الشمس
وليا نصحتـه قـال مانتـم هلله
ياعزتي للطير من ضيقة النفـس
ليا غـدا بالوكـر شـاف المذلـه
الطير يبغى خايع ما بعـد عـس
مـا دوجـوا فيـه البداويـن لله
فرد اخوه الكبير قائلا
وراك يابو النايفه خاطرك عمس
وانا احسب انك كل صعب تحله
اليوم يا سلطان ماهوب مثل امس
اخوك ماهوب الزمن صافيٍ لـه
والطير يا سلطان في ماكره ونس
حتيش لو ما صاد انا صايـدٍ لـه
عقبت غبات البحور اطرد الخمس
وكل ورى شفـه وعقلـه مدلـه
(أتمنى أن تكون قد نالت أعجابكم)
--------------------------------------------------------------------------------
قصص وقصائد الطير والمقناص مع صور
http://www3.0zz0.com/2009/10/26/14/139438140.jpg (http://www.0zz0.com)
الطلح
شاعر المقناص الشاعر العذب حمد السعيد يناجي في هذه القصيدة شجرة الطلح علها تساعده في العثور على طيره الذي فقده اثناء المقناص ويتضح من خلال هذه المناجاة مدى الحب والعلاقة الوطيدة بين الصقار وطيره
يالطلح ما مرك مع الصبح صافي
طير غدالي امس والشمس حيـه
اتلا العهد به راح يطرد مقافـي
خابريبه اومى في جناحه هنيـه
لا والله إلا مرنا العصـر وافـي
كنـه غـلام مستغيـرن بهيـه
اقبل علينا ثـم اخـذ بإنحرافـي
يوم الحباري وقعـن لـه سويـه
يالطلح قلي عـل مابـه خلافـي
البارحـه بـرد وشمـال قويـه
كانه تعشا قلـت علـه عوافـي
والحي يجمعه الولي مع خويـه
لا والله ألا صاد خربٍ امتعافـي
واخذ عليه من الثنـادي شويـه
لا مفلسٍ مـره ولا قـال كافـي
يوم اخلفنه عـن عشـاه احقبيـه
خابره والله قاطـعٍ مـا يخافـي
دايم على الصيده تجيلـه حميـه
انشدك باللي منبتـك بالسوافـي
عساه في خيـرٍ ولا فيـه سيـه
خبري به اقرش في سبوقه خلافي
مابه بلا وامرح على هالحصيـه
والفجر شخّص بالنواظر وشافـي
طلعـه بعيـد ويمتـه ساحليـه
يالطلح ذا حبه ولاهـوب خافـي
متعـادلٍ حبـه بحـب البنـيـه
بعض الطيور ان راح قلنا عوافي
لاشك هـذا ويـن ابلقـى حليـه
اتعب عليه وعادة الحـر يافـي
اضرب سهلها والوعر والشغيـه
يجيبـه اللـي رازقٍ هلعجافـي
بهايمٍ تمشـي علـى غيـر نيـه
يالطلح لك مني يابو غصن ضافي
لا جابه الله وكـل نيـه مطيـه
لاجيك انا في موتر القش هافـي
واسقيك هاللـي باقـي بتانكيـه
واطى على رملة سوافيك حافـي
وكلٍ على ما قيل يذكـر خويـه
هدية السامر
الشاعر حمد السعيد لم يعثر على طيره وحزن كثيراً لفقدانه وكان كل مايتمناه هو أن يكون ذلك الطير في حالة طيبة وغير جائع ولم يؤثرفيه البرد فانتشرت قصيدة الطلح انتشارا واسعا وسمع بها الجميع ومن ضمنهم سمو الامير عبد العزيز بن سعود((السامر)) وهو من عشاق القنص ومن عشاق طيور الحرار فأحس بمعاناة حمد السعيد وحزنه العميق وهو يناجي شجرة الطلح وينشدها عن طيره فأهدى سموه للشاعر حمد السعيد طيرا من أطيب طيوره عوضا عن ما فقده فكان لابد ان يسجل هذا الموقف لسمو الامير عبد العزيز بن سعود فكانت هذه الابيات التي كتبها الشاعر حمد السعيد وهو يصف طيب سمو الامير عبد العزيز بن سعود مع وصفا دقيقا للصقر
حيث يقول http://www2.0zz0.com/2009/10/26/14/179157593.jpg (http://www.0zz0.com)
يالبازعي طيري طلع مثل راعيه
زولٍ وفعلٍ والمـواري تشابـه
بالطلع موقف ما لقي من يماريه
عساه يسلم سيـدي يـوم جابـه
له ماكرٍ في بر فارس محاريـه
كني اشوفه يوم خاطـوا قطابـه
صفاة وجهه مع شـدوده توديـه
ضمن الحرار ولا وراها طلابـه
النادر اللي يوم عزمـت اسميـه
سميته السامر واشوفـه زهابـه
ليـا قفيتـه شفـت دقٍ محنيـه
وليا نطحته من عيونـه تهابـه
كن الثريا في قواطـي مواميـه
ابيض نحر كنه يشع الضوا بـه
هجرٍ قصيرالساق جبره ثناديـه
وله عاتقٍ يعطي شموخ ومهابـه
ليا مسح وجهه ونهض مواطيـه
يطري علي اللي عزيـزٍ جنابـه
به من طبوعه مشبع اللي حواليه
وماخذ من طبوعه ليان بصلابـه
وجهه ليامن صاد يشبه محاليـه
لا بشر بضيفٍ وردد هـلا بـه
لا تل سبقه قلت يا طيـر لبيـه
واقفى وكني كاسبٍ بـه ثوابـه
وجاهن وهو كن المنايا تباريـه
زيزوم قـوم وفزعـوه القرابـه
اللي معه بالطلع ما عاد يمديـه
ياصل مطاليعه وهو ما درى به
من عادته برق الدواغر مداميـه
في صيدته الطير غمقٍ صوابـه
ليا ضرب ما وافق الضرب يفريه
كن بيمينه من سيوف الصحابـه
ينقى كبير العرف ما هو يخليـه
من خيشة قدمـه نهبهـا نهابـه
يا سعد عين اللي قنص عانيٍ فيه
طيرٍ وماخذ من طبـوع الذيابـه
لا صارت الدعوى عناد ومشاريه
إخذه وكنك ماخـذٍ معـك لابـه
الطير احبه حيل من حب راعيه
عبد العزيز اللي عزيـزٍ جنابـه
http://www12.0zz0.com/2009/10/26/14/481630235.jpg (http://www.0zz0.com)
الشيح
هذه قصيدة أخرى لشاعر المقناص حمد السعيد وهي بعنوان الشيح ، والشيح نبات ربيعي له رائحة زكية ينبت في السهول والفياض ويستعمل لعلاج بعض الأمراض ويشرب مع الشاي أو يشرب لوحده، وهاهو شاعرنا العذب يناجي هذه النبتة بأسلوب رائع وجميل في لحظات وداع عند نهاية فترة المقناص والعودة للديار
ماجيت منك وخاطري فيك يالشيـح
ما جيت منك الا وانا خالـصٍ منـك
طرت على قلبي طواري المراويـح
للديره اللي شوفها يعوضنـي عنـك
الله اكبـر كـن مالـك مسـاريـح
بفياضنـا ذي جـرتـك ذا تفنـنـك
ماكـن مريتـوا قنـوصٍ مصابيـح
من كثر صيدي عقب الامحال مسمنك
ودعت بـك ربـعٍ كـرامٍ مفاليـح
بعيونهـم عشـقٍ قديـم لمواطنـك
وانا دموعي مثـل دمـع التماسيـح
يا موطني يالله عسى الخير يسكنـك
يرزقني اللي منشي السحب والريـح
وبـلٍ يخلـي كـل روضٍ يجننـك
واللي قعدوا عندي عساهـم مرابيـح
فقعٍ وصيدٍ وانت يالعجل ما أرعنـك
يالشيح دوك ايدي شهـبٍ مجاريـح
من قو بـردك نشعلـك ثـم ندفنـك
ولالقيت بـك الدفـا وهبـة الريـح
كـم ليلـةٍ ازرت ظلوعـي تزبنـك
مثلك يبي رمثٍ وبيضٍ صحاصيـح
ياذا المسافـر تـو بينـت معدنـك
روح وباكـر لا لفيتـوا مشافـيـح
والله لادسس كل ما تشتهـي عنـك
يالشيح ما قصدي ملل يوم انا اصيح
يالشيح شوق لديرتي وانت ما ازينك
يطري علي (خالد)عقب وقفة الريـح
واهـل دمـعٍ لـو تحسـه يحزنـك
انا اتحضـن وهـم وافـز واطيـح
وانت السحاب وكل نجمه تحضنـك
ضيدان وطيره
الشاعر المعروف ضيدان بن منصور بن قضعان العجمي اشترى طير وكان اسمه عند صاحبه الأول دهام ثم أطلق عليه ضيدان اسما جديدا هو فواز لغرض شخصي وعندما أراد ان يعشي الطير ناداه بأسمه الجديد فواز فواز ....
فالتفت إليه الطير وقال
ضيدان أنا أسمي دهام ماهوب فواز
أما أدعني يـا دهـام ولا بلاشـي
ماهوب حق تغير أسمي بلا أرماز
وأنا عذاب الخرب لا أقبلت حاشي
لعيون بعض الناس سميـت فـواز
أسم يشابه لاسم صعـب المناشـي
اللي غلاه بثومـة القلـب حـزاز
تقبل له طعوني وتقفـي عطاشـي
ما أرضى تسميني عليها ولا جـاز
تغيير الإسـم إلا بذبـح الكباشـي
إذبح تميمه وأقلـب الإسـم فـواز
إذا ذبحت الكبش ما صار ماشـي
قلت فواز تكفى فكنـي بالتلعـواز
الحل عندي وأسمع العلـم كاشـي
لازم تشوف اللي لها القلب ينحـاز
عقبٍ تجـي فـواز ولا شلاشـي
يالله مشينا والعمر يبغـي إنجـاز
يا ما نجز بالهـدي ولا عراشـي
قم جهز اللـي ذاخرينـه وممتـاز
وعلي الطلاق إن عزبته من معاشي
وعنما وصلا إلى التي سمي الطير عليها شال ضيدان
البرقع عن الطير وقال له هذي اللي سميتك عليها فقال الطير
أنا أشهد إني يابن قضعـان فـواز
واني بعد فـواز جانـي خراشـي
يا حظ قلبك يوم فـي حبهـا حـاز
كحيلة مـا عاشـرة كـل لاشـي
يا ليتني رجلٍ لـو أمشـي بعكـاز
وأنخاك وأنخى مبعديـن المعاشـي
وأنهض لطيف الروح وأجلا لشيراز
وأقضي بقايا العمر ما أحتر جاشي
في شرع أبن حنبل بتأكيد ابن بـاز
معروف راعي الحب قلبه هشاشـي
وأنا لوصل ملـوع الشيـخ معتـاز
أعوز من فراق السبوق الرواشـي
أبـا أتمنـى والتمنـي بـه الغـاز
يا ليت جنحانـي لخلـك فراشـي
أو ليتني بيجر على الورك هـزاز
وألا قلم بيـن الجسـد والقماشـي
الطير والحبس
هذه سالفة لراعي طير اسمه عبود عنده طير وقد وضعه في شبك في وسط حوش البيت وعنده أطفال صغار دخلوا على الطير داخل الشبك وهو على وكره وكان برقعه مكشوف عنه لأنه كان وقت صيف وقرنسه وصاحبه خايف عليه من الحر فدخلوا عليه الأطفال وهرب عنهم الطير واصطدم بالشبك وجرح الطير فغضب عبود غضبا شديدا وبدأ بالصراخ على الأطفال وكاد أن يضربهم فأتى إليه أخيه الأصغر وهدأ من روعه وغضبه وقال له يجب عليك أن تحافظ على هذا الطير أو سأقوم بإطلاق سراحه فغضب عبود على أخيه وخرج الأصغر وفي الليل أتى إليه حاملا هذه الأبيات
الطير يا عبود يشكي من الحبـس
ابـوك حـده ساعتيـن ويمـلـه
هاذي ثلاث اسنين ما عانق الشمس
وليا نصحتـه قـال مانتـم هلله
ياعزتي للطير من ضيقة النفـس
ليا غـدا بالوكـر شـاف المذلـه
الطير يبغى خايع ما بعـد عـس
مـا دوجـوا فيـه البداويـن لله
فرد اخوه الكبير قائلا
وراك يابو النايفه خاطرك عمس
وانا احسب انك كل صعب تحله
اليوم يا سلطان ماهوب مثل امس
اخوك ماهوب الزمن صافيٍ لـه
والطير يا سلطان في ماكره ونس
حتيش لو ما صاد انا صايـدٍ لـه
عقبت غبات البحور اطرد الخمس
وكل ورى شفـه وعقلـه مدلـه
(أتمنى أن تكون قد نالت أعجابكم)